News October 12, 2025
VZM: వ్యాపార కేంద్రాలుగా సెల్లార్లు..!
విజయనగరం నగరపాలక సంస్థ పరిధిలోని కమర్షియల్ కాంప్లెక్స్‌లు, హాస్పిటల్స్‌లో సెల్లర్లను వాహనాల పార్కింగ్ చేసేందుకు వినియోగించకుండా వ్యక్తిగత అవసరాలకు వినియోగిస్తున్నారు. కొంతమంది వాటిని అద్దెలకిచ్చి యజమానులు సొమ్ము చేసుకుంటున్నారు. చివరికి సెల్లార్లు లేక వాహనదారులు రోడ్లపై నిలుపుతుండటంతో ట్రాఫిక్‌ సమస్య తీవ్రంగా ఉంటోంది. MG రోడ్డు, మూడు లాంతర్లు, RTC కాంప్లెక్స్ వద్ద ఈ సమస్య ఎక్కువగా ఉంటోంది.
Similar News
News October 12, 2025
VZM: ‘జీఎస్టీ చెల్లింపులపై అవగాహన కల్పించడమే ఎగ్జిబిషన్ లక్ష్యం’
జీఎస్టీ విభాగం ఆధ్వర్యంలో రెండు రోజుల పాటు జరిగిన ఎలక్ట్రానిక్స్ ఎగ్జిబిషన్ సేల్స్‌కు విశేష స్పందన లభించిందని జీఎస్టీ జాయింట్ కమిషనర్ నిర్మల జ్యోతి తెలిపారు. స్థానిక సంగీత కళాశాలలో ప్రదర్శనను శనివారం సందర్శించారు. తక్కువ ధరలకు నాణ్యమైన ఉత్పత్తులు కొనుగోలు చేసి సుమారు రూ.25 వేలు వరకు ప్రజలు లబ్ధి పొందారని చెప్పారు. జీఎస్టీ చెల్లింపులపై అవగాహన పెంచడమే ఈ ఎగ్జిబిషన్ లక్ష్యమని పేర్కొన్నారు.
News October 11, 2025
VZM: పెళ్లి ఇష్టం లేదని యువతి ఆత్మహత్య
వివాహం చేసుకోమని ఆమె తల్లిదండ్రులు ఒత్తిడి చేయడంతో అయ్యకోనేరు గట్టు చెరువులో పడి యువతి ఆత్మహత్య చేసుకుంది. టౌన్ ఎస్ఐ కనకరాజు తెలిపిన వివరాల ప్రకారం.. బెహరా రమ్య(18) డిగ్రీ చదువుతోంది. వివాహం చేస్తామని ఆమెకు చెప్పగా ముందు తన అన్నయ్యకు చేయమంది. వినకుండా బలవంతం చేయడంతో శుక్రవారం రాత్రి ఇళ్లు వదిలి వెళ్లిందన్నారు. ఈరోజు చెరువులో మృతదేహం తేలడంతో కుటుంబ సభ్యుల ఫిర్యాదుతో కేసు నమోదు చేశారు.
News October 10, 2025
పోలీస్ సిబ్బంది సమస్యల పరిష్కారానికి కృషి: VZM SP
విజయనగరం జిల్లా పోలీసు సిబ్బంది సమస్యల పరిష్కారానికి ఎస్పీ ఎ.ఆర్.దామోదర్ ప్రత్యేకంగా ‘పోలీసు వెల్ఫేర్ డే’ కార్యక్రమాన్ని తన కార్యాలయంలో శుక్రవారం నిర్వహించారు. ఈ సందర్భంగా సిబ్బంది నుంచి వ్యక్తిగత, శాఖాపరమైన విజ్ఞాపనలు స్వీకరించి, వాటి పరిష్కారానికి చర్యలు చేపడతానని తెలిపారు. పోలీసు సంక్షేమానికి ప్రాధాన్యతనిస్తూ, ప్రతి సమస్యపై స్వయంగా స్పందిస్తానని ఆయన హామీ ఇచ్చారు.