News October 12, 2025
జూబ్లీహిల్స్ ఉపఎన్నిక.. రంగంలోకి బావ బామ్మర్ది
జూబ్లీహిల్స్ ఉపఎన్నికను ప్రతిష్ఠాత్మకంగా తీసుకున్న BRS గెలుపుపై ఫుల్ ఫోకస్ పెట్టింది. ఈ ఉపఎన్నికతోనే తిరిగి కారు గేరు మార్చాలని యోచిస్తూ రంగంలోకి KTR, హరీశ్‌రావు దిగారు. ఇప్పటికే KTR డివిజన్ల వారీగా మీటింగ్‌లు పెట్టగా తాజాగా హరీశ్‌రావు కూడా ఎంట్రీ ఇచ్చారు. రేపు BRS జూబ్లీహిల్స్ నియోజకవర్గ స్థాయి సమావేశంలో బావ బామ్మర్ది పాల్గొననున్నారు. ఈనెల 15న BRS అభ్యర్థి మాగంటి సునీత నామినేషన్ వేయనున్నారు.
Similar News
News October 12, 2025
జూబ్లీహిల్స్ అడ్డా.. ఎవరిది బిడ్డా..?
HYD జూబ్లీహిల్స్ ఉప ఎన్నిక నేపథ్యంలో అటు BRS, ఇటు కాంగ్రెస్ జోరు పెంచాయి. నువ్వానేనా అన్నట్లు రేసులో పరుగెత్తుతున్నాయి. ఇప్పటికే నియోజకవర్గంలోని అన్ని డివిజన్లు, ఏరియాలకు MLAలు, MLCలు, మాజీ MLAలను ఇన్‌ఛార్జులుగా BRS నియమించడంతో వారు క్షేత్రస్థాయిలో పర్యటిస్తున్నారు. ఇక కాంగ్రెస్ నుంచి మంత్రులు, స్టేట్ లీడర్లు రంగంలోకి దిగి డివిజన్ల వారీగా పర్యటిస్తున్నారు. జూబ్లీహిల్స్ థగ్ ఆఫ్ వార్‌లో గెలిచేదెవరో?
News October 12, 2025
HYD: గిజిగాడి గూడు.. కనువిందు చేసే చూడు
కాంక్రీట్ మయమైన సమాజంలో పక్షుల కిలకిలరావాలకు సగటు మనిషి దూరమవుతున్నాడు. నాడు పొద్దు పొద్దునే కోడి కూతతో మొదలయ్యే జీవన ప్రమాణశైలి క్రమంగా ఆలారమ్ కూతకు పరిమితం అయింది. పట్టణీకరణలో భాగంగా చెట్లు, గుట్టలను ధ్వంసం చేయడంతో జీవరాసుల మనుగడ ప్రశ్నార్థకంగా మారింది. నగర శివారులోని తారామతిపేటలో గిజిగాడి గూడు కనువిందు చేస్తోంది. అవి చేసే ధ్వనులను, వాటి గూడు అల్లికలు బాటసారులు ఆస్వాదిస్తున్నారు.
News October 12, 2025
HYD: మటన్ గ్రాముకు @ రూపాయి..!
నగరంతో సహా శివారులో మటన్ ధరలు ఆకాశాన్నంటాయి. ఒకప్పుడు ఆదివారపు విందుగా ఉన్న మటన్ ఇప్పుడు విలాస వంటకంగా మారింది. నెల రోజులుగా కిలో మటన్ ధర రూ.1000గా కొనసాగుతోంది. మేకలు, గొర్రెల కొరత, రవాణా వ్యయాలు అధికమవ్వడంతో ధరలు పెరుగుతున్నాయని దుకాణదారులు చెబుతున్నారు. ఇంత ఖరీదైనప్పటికీ గసగసాలు వేసి గుమగుమలాడే యాట కర్రీ వండటానికి ప్రజలు వెనుకాడటం లేదు. దుకాణాల వద్ద భారీగా క్యూ ఉంటోంది. మీ ప్రాంతంలో ధర ఎంతుంది?