News April 7, 2024
పిల్లి రామరాజు యాదవ్ BJPలో చేరనున్నారా..?
BJPలో చేరేందుకు పిల్లి రామరాజు యాదవ్ రంగం సిద్ధం చేసుకున్నట్లు స్థానికంగా చర్చ నడుస్తోంది. ఇటీవల తన రాజకీయ భవిష్యత్తుపై తమ అనుచరులు, కార్యకర్తలు, అభిమానులతో ఆత్మీయ సమ్మేళనం ఏర్పాటు చేశారు. ఈ సందర్భంగా BJP రాష్ట్ర అధ్యక్షుడు కిషన్ రెడ్డి, అధిష్ఠానంతో జరిపిన చర్చలు సఫలం అవడంతో ఈనెల 9న BJPలో చేరే అవకాశం ఉన్నట్లు స్థానిక నేతలు అంటున్నారు.
Similar News
News October 9, 2024
దేవాలయ ధర్మకర్తల మండలికి దరఖాస్తులు
ఉమ్మడి నల్లగొండ జిల్లాలోని 17 దేవాలయాలకు నూతన ధర్మకర్తల మండలి ఏర్పాటుకు దరఖాస్తులు చేసుకోవాలని దేవాదాయ సహాయ కమిషనర్ అనపర్తి సులోచన ఒక ప్రకటనలో తెలిపారు. కట్టంగూర్, చిట్యాల, నకిరేకల్, కేతేపల్లి, నార్కట్ పల్లి మండలాలలోని ఆలయాల్లో ధర్మకర్తల మండలికి 20 రోజుల్లోగా దేవాదాయ ధర్మాదాయ శాఖ కార్యాలయంలో దరఖాస్తులు అందజేయాలని ఆమె సూచించారు.
News October 8, 2024
యాదాద్రి: రూ.10,65,000తో అమ్మవారి అలంకరణ
ఉమ్మడి నల్గొండ జిల్లా వ్యాప్తంగా శరన్నవరాత్రులు ఘనంగా జరుగుతున్నాయి. చౌటుప్పల్ మండలం జైకేసారంలో అమ్మవారిని రూ.10,65,000తో అలంకరించారు. అమ్మవారిని దర్శించుకోవడానికి గ్రామ భక్తులు పెద్దఎత్తున తరలివస్తున్నారు.
News October 8, 2024
NLG: లైంగిక దాడి ఘటనలో నిందితుడి అరెస్టు
మైనర్ బాలికపై లైంగిక దాడికి పాల్పడిన ఘటనలో నిందితుడిని చండూరు పోలీసులు సోమవారం అరెస్ట్ చేసి రిమాండ్ కు తరలించారు. ప్రకాశం జిల్లాకు చెందిన వాటుపల్లి బాబీ (24) కొన్ని రోజుల క్రితం తాపీ పనులు చేసేందుకు మండలంలోని ఓ గ్రామానికి వచ్చి అక్కడే ఉంటున్నాడు. ఆదివారం రాత్రి ఓ బాలికకు చాక్లెట్లు కొనిస్తానని చెప్పి బయటకు తీసుకెళ్లి లైంగిక దాడికి పాల్పడినట్లు సీఐ వెంకటయ్య తెలిపారు.