News October 12, 2025
ఉమెన్స్ వరల్డ్ కప్: భారత్ ఫస్ట్ బ్యాటింగ్
ICC ఉమెన్స్ వరల్డ్ కప్‌లో భారత్‌తో మ్యాచులో ఆస్ట్రేలియా టాస్ గెలిచి బౌలింగ్ ఎంచుకుంది. భారత జట్టులో మార్పులు చేయలేదు.
IND: ప్రతీకా, మంధాన, హర్లీన్, హర్మన్‌ప్రీత్ (C), జెమీమా, దీప్తి, రిచా, అమన్‌జోత్, రాణా, క్రాంతి, శ్రీ చరణి.
AUS: హేలీ(C), లిచ్‌ఫీల్డ్, పెర్రీ, మూనీ, సదర్లాండ్, గార్డనర్, మెక్‌గ్రాత్, మోలినక్స్, K గార్త్, అలానా, మేగాన్.
– స్టార్ స్పోర్ట్స్, జియో హాట్‌స్టార్‌లో లైవ్ చూడవచ్చు.
Similar News
News October 12, 2025
వేరుశనగలో ఇనుపధాతులోపం.. నివారణ
ఆకులలో పత్రహరితం తయారవడానికి ఇనుపధాతు కీలకం. ఇది లోపించినప్పుడు వేరుశనగ మొక్క ఆకులు పసుపు రంగుకు మారతాయి. క్రమంగా ఆకు కొనలు ఎండిపోతాయి. మొక్క ఎదుగుదల ఆగిపోతుంది. ఈ సమస్య నివారణకు 0.5 శాతంఅన్నబేధి(5గ్రా. లీటరు నీటికి), 0.1 శాతం నిమ్మఉప్పు(లీటరు నీటికి 1గ్రాము) కలిపిన ద్రావణాన్ని 4-5 రోజుల వ్యవధిలో 2-3సార్లు పిచికారీ చేసుకోవాలి.
News October 12, 2025
ఏడు వారాల నగలను ఎందుకు ధరించేవారు?
పూర్వం అలంకరణ కోసమే కాక ఆధ్యాత్మిక శక్తి, ఆరోగ్య సంపద కోసం స్త్రీలు ఆభరణాలు ధరించేవారు. నేటి రత్నపు ఉంగరాల మాదిరిగానే, ఒకప్పుడు గ్రహాలను శాంతింపజేయడానికి రోజుకో రకమైన ఆభరణాలను ధరించేవారు. వీటినే ఏడువారాల నగలు అంటారు. ఆయా వారాలకు ఆధిపత్యం వహించే గ్రహాలకి ఆయా రోజుల్లో ప్రీతికరమైన నగలు ధరిస్తే.. సానుకూల శక్తి లభిస్తుందని భావిస్తారు. బంగారం రోజూ శరీర భాగాలను తాకడం ద్వారా ఆరోగ్యం మెరుగవుతుందని నమ్మకం.
News October 12, 2025
ఏడు వారాల నగలు ఇవే..
ఆదివారము – సూర్యుని కోసం కెంపుల కమ్మలు, హారాలు
సోమవారము – చంద్రుని కోసం ముత్యాల హారాలు, ముత్యాల గాజులు
మంగళవారము – కుజుని కోసం పగడాల దండలు, ఉంగరాలు
బుధవారము – బుధుని కోసం పచ్చల పతకాలు, గాజులు
గురువారము – బృహస్పతి కోసం పుష్యరాగము, కమ్మలు, ఉంగరాలు
శుక్రవారము – శుక్రుని కోసం వజ్రాల హారాలు, వజ్రపు ముక్కుపుడక
శనివారము – శని కోసం నీలమణి హారాలు