News October 13, 2025
CRDA ఆఫీస్ ప్రారంభానికి సర్వం సిద్ధం: నారాయణ
AP: అమరావతిలో CRDA ప్రధాన ఆఫీస్ ప్రారంభానికి సర్వం సిద్ధమైనట్లు మంత్రి నారాయణ తెలిపారు. రేపు 9.54AMకు CM CBN కార్యాలయాన్ని ప్రారంభిస్తారని చెప్పారు. తదుపరి ఆయనకు ఢిల్లీ పర్యటన ఉండటంతో బహిరంగ సమావేశం ఉండదన్నారు. ఈ ఆఫీస్ ప్రారంభోత్సవానికి రైతులందరూ ఆహ్వానితులే అని వెల్లడించారు. రాజధానిలోని సీడ్ యాక్సిస్ రోడ్ E3-N11 జంక్షన్ వద్ద రాయపూడి సమీపంలో CRDA ఆఫీస్ నిర్మించిన విషయం తెలిసిందే.
Similar News
News October 13, 2025
నేడు CRDA భవనం ప్రారంభించనున్న CM చంద్రబాబు
AP: ఇవాళ్టి నుంచి అమరావతి కేంద్రంగా పుర పరిపాలన ప్రారంభం కాబోతోంది. రాజధాని ప్రాంత అభివృద్ధి సంస్థ, మున్సిపల్ పట్టణాభివృద్ధి శాఖ పరిధిలో పనిచేయాల్సిన అన్ని శాఖలు ఈ భవనం నుంచే పనిచేస్తాయి. నేడు ఉ.9.54కు CM చంద్రబాబు ఈ కార్యాలయాన్ని ప్రారంభిస్తారు. దీనికి రైతులందరూ ఆహ్వానితులే అని అధికారులు వెల్లడించారు. ఇప్పటివరకు అన్నదాతలు తమ సమస్యల పరిష్కారానికి విజయవాడ వెళ్లాల్సి వచ్చేది.
News October 13, 2025
నల్లదారం కట్టుకోవడం వెనుక ఆంతర్యం
హిందూ సంస్కృతిలో నలుపు రంగును ప్రతికూల శక్తులను శోషించుకునే శక్తిగా భావిస్తారు. దీన్ని నర దిష్టి, చెడు దృష్టి నుంచి రక్షణగా ధరిస్తారు. అందుకే చిన్న పిల్లలకు, పెళ్లి కొడుకు/కూతర్లకు దిష్టి చుక్క పెడతారు. అలాగే నల్ల దారం కూడా దైవిక కవచంలా పనిచేస్తుందని పండితుల వాక్కు. మనపై దుష్ట శక్తులు ప్రభావం పడకుండా ఇది అడ్డుకుంటుందని నమ్మకం. రోగాలు, అరిష్టాలు పోయి సానుకూల శక్తి పెరుగుతుందని విశ్వసిస్తారు.
News October 13, 2025
జెఫ్ బెజోస్ మాజీ భార్య రూ.372 కోట్ల విరాళం
అమెజాన్ సంస్థ వ్యవస్థాపకుడు జెఫ్ బెజోస్ మాజీ భార్య మెకెంజీ స్కాట్ మరోసారి భారీ విరాళంతో తన దాతృత్వాన్ని చాటుకున్నారు. శాన్ రాఫెల్‌కు చెందిన ‘10,000 డిగ్రీస్’ అనే సంస్థకు $42 మిలియన్లు(దాదాపు రూ.372 కోట్లు) విరాళం అందించారు. ‘నేటివ్ ఫార్వర్డ్’ అనే సంస్థకు గతంలో $10 మిలియన్ల విరాళమిచ్చారు. ఆమె ఇచ్చిన డబ్బును ఈ సంస్థలు వాటి అవసరాలకు తగ్గట్లు వాడుకోవచ్చు. ఈ పనికే వాడాలి అనే ఆంక్షలు విధించరు.