News October 13, 2025
పిల్లలుగా ఆ ఒక్కటి చేయండి చాలు!
నాకోసం ఏం చేశావ్? అని అడిగే పిల్లలను చూసుంటారు. కానీ, మా కోసం ఏం చేశావ్? అని అడిగే పేరెంట్స్‌ని చూసుండరు. ఎందుకంటే వాళ్లు మీ ఎదుగుదల, సంతోషం తప్ప ఏమీ కోరుకోరు. అలాంటి వారికి మీరు పట్టు పీతాంబరాలు, పంచభక్ష పరమాన్నాలు పెట్టక్కర్లేదు. 25 ఏళ్లు వచ్చాకైనా ‘నాన్న డబ్బులివ్వు’ అని చెయ్యి చాచకుండా మీ ఖర్చులకు మీరు సంపాదించుకుంటే చాలు. బాధ్యతలు తీసుకోకపోయినా భారం కాకపోతే అదే మీరిచ్చే గిఫ్ట్. ఏమంటారు?
Similar News
News October 13, 2025
జూబ్లీహిల్స్‌లో BRSకు TRSతో ముప్పేనా?
గతంలో పలు ఎన్నికల్లో కారును పోలిన గుర్తులు BRSను ఇబ్బంది పెట్టాయి. ఇప్పుడు జూబ్లీహిల్స్ బైపోల్‌లో తెలంగాణ రక్షణ సమితి- డెమోక్రటిక్(TRS- D) రూపంలో ముప్పు పొంచి ఉంది. పేరు, జెండా ఒకేలా ఉండటం, ఉద్యమ పార్టీ BRSగా మారినా చాలామందికి TRSగానే గుర్తు. దీంతో TRS(D) డ్యామేజ్‌పై గులాబీ కార్యకర్తల్లో ఆందోళన నెలకొంది. అటు కాంగ్రెస్‌కు బలమైన పోటీ కావడంతో ప్రత్యర్థులు ఈ కుట్ర చేశారని గులాబీదళం ఆరోపిస్తోంది.
News October 13, 2025
త్వరలో అమరావతి రైతులను కలుస్తా: CBN
AP: అమరావతి రైతులను <<17990155>>త్వరలో<<>> కచ్చితంగా కలుస్తానని, వారి త్యాగాలను గుర్తుంచుకుంటానని CM చంద్రబాబు అన్నారు. ఇవాళ చాలా ఆనందంగా ఉందని CRDA ఆఫీస్ ప్రారంభ కార్యక్రమంలో చెప్పారు. రైతులు స్వచ్ఛందంగా ముందుకు రావడంతో ప్రపంచంలోనే ఇంత పెద్ద ఎత్తున ల్యాండ్ పూలింగ్ అమరావతిలోనే జరిగిందన్నారు. HYDను మించిన రాజధానిని నిర్మిస్తామని తెలిపారు. రాష్ట్రంలోని నదులన్నీ అనుసంధానం కావాల్సిన అవసరం ఉందన్నారు.
News October 13, 2025
ఏ దిక్కున ఏం ఉండాలంటే?
ఇంట్లో అందరూ సుఖశాంతులతో ఉండాలంటే తూర్పు, ఉత్తరం దిక్కులు లోతుగా ఉండాలని వాస్తు నిపుణులు కృష్ణాదిశేషు సూచిస్తున్నారు. ఈశాన్యంలో నీటి గుంట (సంపు, బావి) ఉండాలంటున్నారు. ‘పడమర, దక్షిణం దిక్కులు ఎత్తుగా ఉండాలి. నైరుతిలో ధాన్యపు గాదెలు, ట్యాంకులు, ఎక్కువ బరువుండే నిర్మాణాలు ఉండాలి. వంటగది ఆగ్నేయంలో, బాత్‌రూమ్‌ వాయువ్యంలో ఉండాలి. ఈ ఆరు అమరికలు ఇంటికి బలాన్ని ఇస్తాయి’ అని చెబుతున్నారు. <<-se>>#Vasthu<<>>