News October 13, 2025
HYD: గులాబీ దళానికి డ్యామేజ్ తప్పదా!
జూబ్లీహిల్స్ ఉపఎన్నికలో రాష్ట్ర రాజకీయాలు రసవత్తరంగా మారాయి. ఈ ఎన్నికలో ఓ విషయం BRSకి కొరకరాని కొయ్యగా మారింది. తెలంగాణ రక్షణ సమితి- డెమోక్రటిక్ (TRS- D) పార్టీ తన అభ్యర్థిని బరిలో దింపింది. పేరు, జెండా దాదాపు ఒకేలా ఉండటం.. BRSగా పేరు మారినప్పటికీ చాలా మంది TRSగానే పిలుస్తుండటంతో డ్యామేజ్ తప్పదా అనే ప్రశ్నలు ఉత్పన్నమవుతున్నాయి. కార్యకర్తల్లో భరోసా నింపాలన్నా ఈ బైపోల్ కీలకంగా మారనుంది.
Similar News
News October 13, 2025
చేవెళ్ల మాజీ ఎమ్మెల్యేకు జర్నలిజం మీద మక్కువ
చేవెళ్ల మాజీ ఎమ్మెల్యే కొండా లక్ష్మారెడ్డి వృద్ధాప్య సమస్యలతో HYDలోని అపోలో ఆస్పత్రిలో తెల్లవారుజామున తుదిశ్వాస విడిచారు. ఆయన జీవితాంతంల కాంగ్రెస్ పార్టీలోనే కొనసాగారు. 2 సార్లు హైదరాబాద్ ఎంపీగా పోటీ చేసిన ఆయన జర్నలిజంపై మక్కువతో న్యూస్ సర్వీస్ సిండికేట్ సంస్థను స్థాపించారు. మరికాసేపట్లో జూబ్లీహిల్స్‌లోని మహాప్రస్థానానికి అంతిమయాత్ర జరగనుంది.
News October 13, 2025
జూబ్లీహిల్స్ ఉపఎన్నికకు గెజిట్‌ విడుదల
హైదరాబాద్ జూబ్లీహిల్స్ అసెంబ్లీ ఉపఎన్నికకు గెజిట్‌ నోటిఫికేషన్ విడుదలైంది. షేక్‌పేట తహశీల్దార్ కార్యాలయంలోని రిటర్నింగ్ అధికారి కార్యాలయంలో ఇవాళ్లి నుంచి ఈ నెల 21 వరకు నామినేషన్లు స్వీకరిస్తారు. 22న పరిశీలన, 24న ఉపసంహరణకు గడువు ముగుస్తుంది. వచ్చే నెల 11న పోలింగ్‌, 14న ఓట్ల లెక్కింపు జరగనుంది.
News October 13, 2025
HYD: జాగ్రత్త! HSRP పేరుతో మోసాలు!
హై సెక్యూరిటీ నంబర్ ప్లేట్ బిగించుకోలేదంటూ ఇటీవల క్యాబ్ డ్రైవర్లకు నకిలీ ఆర్టీఏ చలాన్ కాల్స్ వస్తున్నాయి. మీకు రూ.3,400 జరిమానా పడిందని మోసగాళ్లు చెబుతున్నారు. దీనిపై ఆందోళన చెందిన ఓ డ్రైవర్ స్థానిక అధికారులను సంప్రదించగా, అది నకిలీ కాల్ అని తేలింది. HSRP సంబంధించి ఎలాంటి తుది గడువును ఇప్పటివరకు ప్రభుత్వం విధించలేదని అధికారులు స్పష్టం చేశారు.