News October 14, 2025
NLG: ఎక్సైజ్ టెన్షన్.. మరో ఐదు రోజులే!
జిల్లాలో 2025-27 సంవత్సరానికిగాను వైన్ షాపుల టెండర్లు వేయడానకి ఎవరూ ఆసక్తి చూపట్లేదు. దరఖాస్తు గడువు నేటితో మరో ఐదు రోజులే ఉంది. ఆబ్కారీశాఖ గత నెల 26న జిల్లాలోని 154 దుకాణాలకు టెండర్ షెడ్యూల్ విడుదల చేసింది. ఈ మేరకు ఈ నెల 18న సాయంత్రంతో దరఖాస్తు గడువు ముగియనుంది. నోటిఫికేషన్ ఇచ్చి సుమారు 19 రోజులు గడిచినా.. సోమవారం నాటికి దాఖలైన దరఖాస్తుల సంఖ్య 200లు కూడా దాటలేదని సమాచారం.
Similar News
News October 14, 2025
NLG: ఏసీబీ జాన్తా నై.. మేమింతే..!
జిల్లాలో కొంతమంది అధికారులు బరితెగిస్తున్నారు. అవినీతి నిరోధక శాఖ ఒకటి ఉందని తెలిసినా.. భయం లేకుండా అవినీతికి పాల్పడుతున్న ఘటనలు జిల్లా ప్రజలను ఆశ్చర్యాన్ని గురిచేస్తున్నాయి. ప్రజల కోసం పనిచేయాల్సిన ప్రభుత్వ ఉద్యోగులు లంచావతారులుగా మారుతుండడం విస్మయం కలిగిస్తోంది. ఇప్పటి వరకు జిల్లాలో 12 మందికి పైగానే ఏసీబీకి పట్టుబడ్డా.. అవినీతి అధికారుల్లో మార్పు రావడం లేదు.
News October 14, 2025
NLG: వాతవరణం.. వరి పంటకు ప్రతికూలం
ఈ ఏడాది వర్షాలు రైతుల వెన్ను విరుస్తున్నాయి. జిల్లాలో సాగు చేసిన వరి పంట ప్రస్తుతం కంకి వెళ్లే దశలో ఉంది. కొన్ని ప్రాంతాల్లో పొట్టదశలో, మరికొన్ని చోట్ల కంకి వెళ్లి గింజపోసుకునే దశలో ఉన్నాయి. అయితే గత మూడు రోజులుగా కురుస్తున్న వర్షాలు ప్రతికూలంగా మారాయి. వరిపొట్టలోకి నీరు చేరడంతో చీడపీడలు ఎక్కువవుతున్నాయి. కంకి వెళ్లిన పంటలో సుంకు రాలిపోతోంది. కంకి వెళ్లి గింజపోసుకుంటున్న వరి వానలకు నేలవాలుతోంది.
News October 14, 2025
NLG: పెరుగుతున్న ఆశావహులు.. డీసీసీ ఎవరికి దక్కేనో..!
నల్గొండ జిల్లా కాంగ్రెస్ కమిటీ అధ్యక్ష స్థానానికి పోటీ తీవ్రంగానే ఉంది. కాంగ్రెస్ సంస్థాగత నిర్మాణంలో భాగంగా చేపట్టిన దరఖాస్తుల స్వీకరణలో భారీగా ఆశావహులు దరఖాస్తు చేసుకుంటున్నారు. తొలిరోజు నల్గొండలో నిర్వహించిన అభిప్రాయ సేకరణలో పెద్ద ఎత్తున దరఖాస్తు చేసుకున్నారు. నిన్న నకిరేకల్లో నిర్వహించిన అభిప్రాయ సేకరణలో సైతం మరో ఆరుగురు డీసీసీ అధ్యక్ష పదవి కోసం దరఖాస్తు చేసుకోవడం గమనార్హం.