News October 15, 2025
పాక్-అఫ్గాన్ మధ్య మళ్లీ ఘర్షణలు!
పాకిస్థాన్, అఫ్గానిస్థాన్ దేశాల మధ్య ఇటీవల ఘర్షణలు జరిగిన విషయం తెలిసిందే. ముస్లిం దేశాల జోక్యంతో అఫ్గాన్ కాల్పులను తాత్కాలికంగా విరమించుకుంది. అయితే మళ్లీ తాలిబన్ సైన్యం, పాక్ ఆర్మీ మధ్య ఘర్షణలు ప్రారంభమైనట్లు సమాచారం. ప్రత్యర్థులు కుట్ర పన్నుతున్నారన్న ముందస్తు సమాచారంతో అఫ్గాన్ సైన్యం సరిహద్దులోని పాక్ పోస్టులను లక్ష్యంగా చేసుకుని దాడికి దిగినట్లు తెలుస్తోంది.
Similar News
News October 15, 2025
జనవరి నాటికి కోటి మందికి భూధార్ కార్డులు
TG: భూధార్ కార్డులను త్వరలోనే అందించనున్నారు. జనవరి నాటికి కోటి మంది రైతులకు భూధార్ అందించేలా రాష్ట్ర రెవెన్యూశాఖ ఏర్పాట్లు చేస్తోంది. ప్రతి కమతానికి ప్రత్యేక గుర్తింపు సంఖ్య ఇచ్చేలా కేంద్రం భూధార్ తీసుకొచ్చింది. సర్వే రికార్డు, RORలోని వివరాలు, స్థానిక పరిస్థితులకు అనుగుణంగా తాత్కాలిక భూధార్ కార్డులు ఇచ్చి, రీ సర్వే చేశాక శాశ్వత కార్డులు ఇస్తామని భూభారతి చట్టంలో రాష్ట్ర ప్రభుత్వం పేర్కొంది.
News October 15, 2025
ఢిల్లీలో గ్రీన్ క్రాకర్స్ విక్రయానికి SC గ్రీన్ సిగ్నల్
ఢిల్లీలో దీపావళి సందర్భంగా గ్రీన్ క్రాకర్స్ విక్రయం, వినియోగానికి సుప్రీంకోర్టు అనుమతిచ్చింది. QR కోడ్ ఉన్న గ్రీన్ క్రాకర్స్‌ను ఈనెల 18 నుంచి 21 వరకు కాల్చుకోవచ్చని తెలిపింది. దేశ రాజధానిలో పొల్యూషన్ తీవ్ర స్థాయికి చేరడంతో క్రాకర్స్ విక్రయంపై గతంలో SC నిషేధం విధించింది. పిల్లలు ఎంతో సంబరంగా చేసుకునే దీపావళికి టపాసులు కాల్చుకోవడానికి అనుమతి ఇవ్వాలంటూ దాఖలైన పిటిషన్లపై SC సానుకూలంగా స్పందించింది.
News October 15, 2025
ICAR-IARIలో 18 ఉద్యోగాలు..
ICAR-IARI(ఇండియన్ అగ్రికల్చర్ రీసెర్చ్ ఇన్‌స్టిట్యూట్) 18 కాంట్రాక్ట్ పోస్టులను భర్తీ చేయనుంది. వీటిలో యంగ్ ప్రొఫెషనల్(15), సీనియర్ రీసెర్చ్ ఫెలో(3) ఖాళీలు ఉన్నాయి. పోస్టును బట్టి సంబంధిత విభాగంలో డిగ్రీ, పీజీ ఉత్తీర్ణతతో పాటు పని అనుభవం ఉండాలి. ఆసక్తిగల అభ్యర్థులు ఈనెల 31లోగా అప్లై చేసుకోవాలి. నవంబర్ 6, 7 తేదీల్లో ఇంటర్వ్యూ ద్వారా ఎంపిక చేస్తారు. వెబ్‌సైట్: https://iari.res.in/