News October 15, 2025
రానున్న 3 గంటల్లో సత్యసాయి జిల్లాలో భారీ వర్షం
రానున్న 3 గంటల్లో శ్రీ సత్యసాయి జిల్లాలో పిడుగులతో కూడిన మోస్తరు వర్షాలు పడే అవకాశం ఉందని ఏపీ విపత్తుల నిర్వహణ సంస్థ తెలిపింది. 40-50 కిమీ వేగంతో ఈదురుగాలులు వీచే అవకాశం ఉందని పేర్కొంది. చెట్ల కింద ఎవరూ నిలబడకూడదని, అప్రమత్తంగా ఉండాలని సూచించింది. జిల్లాలోని హిందూపురం, సోమందేపల్లి తదితర ప్రాంతాల్లో మధ్యాహ్నం నుంచి వర్షం పడుతోంది.
Similar News
News October 16, 2025
నారాయణపేట కలెక్టరేట్‌లో అధికారులకు CPRపై శిక్షణ
జిల్లా వైద్య ఆరోగ్యశాఖ ఆధ్వర్యంలో నారాయణపేట కలెక్టరేట్ సమావేశ మందిరంలో CPR (Cardio Pulmonary Resuscitation)పై జిల్లా అధికారులకు ఈరోజు ట్రైనింగ్ కార్యక్రమం నిర్వహించారు. కలెక్టర్ సిక్తా పట్నాయక్ పాల్గొని మాట్లాడుతూ.. “ప్రస్తుతం హార్ట్ అటాక్‌ కారణంగా చాలా మంది ప్రాణాలు కోల్పోతున్నారు. అయితే అత్యవసర పరిస్థితుల్లో CPR ద్వారా ప్రాణాలను కాపాడవచ్చు” అని తెలిపారు.
News October 16, 2025
నారాయణపేట జిల్లా ఎస్పీ ముఖ్య గమనిక
నారాయణపేట జిల్లాలో బాణాసంచా విక్రయదారులు తప్పనిసరిగా నిబంధనలు పాటించాలని ఎస్పీ డాక్టర్ వినీత్ గురువారం ఓ ప్రకటనలో తెలిపారు. 1884, 2008 చట్టాల ప్రకారం అనుమతులు తప్పనిసరిగా తీసుకోవాలని చెప్పారు. పెట్రోల్ బంకు, రద్దీ స్థలాలు, ట్రాన్స్‌ఫార్మర్, వివాదాస్పద స్థలాల్లో దుకాణాలు ఏర్పాటు చేయొద్దని సూచించారు. తహశీల్దార్, పోలీసులు చూపించిన స్థలంలోనే బాణాసంచా దుకాణాలు ఏర్పాటు చేసుకోవాలని అన్నారు.
News October 16, 2025
నాగర్‌కర్నూల్: బెస్ట్ అవైలబుల్ స్కూల్స్ యాజమాన్యాలతో సమావేశం
బెస్ట్ అవైలబుల్ స్కూల్స్ పథకం కింద చదువుతున్న విద్యార్థులను ఎలాంటి ఒత్తిడికి గురి చేయకూడదని జిల్లా కలెక్టర్ బడావత్ సంతోష్ అన్నారు. గురువారం నాగర్‌కర్నూల్ కలెక్టరేట్‌లో బెస్ట్ అవైలబుల్ స్కూల్స్ కరెస్పాండెంట్లు, ప్రిన్సిపల్స్‌తో ఆయన సమావేశం నిర్వహించారు. రాష్ట్ర ప్రభుత్వం విద్యకు అధిక ప్రాధాన్యత ఇస్తోందని, అందులో భాగంగానే విద్యార్థులకు నాణ్యమైన విద్యను అందించాలని ఆయన తెలిపారు.