News October 16, 2025

పర్వతగిరి: డెంగీతో విద్యార్థి మృతి

వరంగల్ జిల్లా పర్వతగిరి మండలం అన్నారం షరీఫ్ గ్రామానికి చెందిన భాషబోయిన ఏకాంబరం కుమారుడు ప్రవేశ్ (9) స్థానిక ప్రభుత్వ పాఠశాలలో 3వ తరగతి చదువుతున్నాడు. వారం రోజుల క్రితం జ్వరం రాగా, తొర్రూరులోని ప్రైవేట్ ఆసుపత్రికి కుటుంబీకులు తీసుకువెళ్లారు. అక్కడ నయం కాకపోవడంతో వరంగల్‌లోని ఎంజీఎంకు తరలించారు. పరిస్థితి విషమించి అక్కడ చికిత్స పొందుతూ మృతి చెందాడు. బాలుడి మృతితో గ్రామంలో విషాదం నెలకొంది.