News October 16, 2025
కరీంనగర్ అర్బన్ బ్యాంక్ ఎన్నికలకు షెడ్యూల్ విడుదల
కరీంనగర్ సహకార అర్బన్ బ్యాంక్ ఎన్నికలకు రాష్ట్ర సహకార ఎన్నికల అథారిటీ గురువారం గ్రీన్ సిగ్నల్ ఇచ్చింది. ఈ మేరకు ఎన్నికల అధికారిక షెడ్యూల్‌ను విడుదల చేసింది. ఎన్నికల అధికారిగా జగిత్యాల జిల్లా సహకార అధికారి సి.హెచ్.మనోజ్ కుమార్‌ను నియమించింది. సకాలంలో జరగాల్సిన ఎన్నికలు వివిధ కారణాల వల్ల వాయిదా పడ్డాయి. ఎన్నికలను పారదర్శకంగా నిర్వహించి నివేదిక సమర్పించాలని అథారిటీ ఆదేశించింది.
Similar News
News October 18, 2025
దోమకొండ టు గిన్నిస్ వరల్డ్ రికార్డ్
దోమకొండకు చెందిన దేవరగట్టు బాలప్రసాద్ 17 ఏళ్ల కృషికి గిన్నిస్ వరల్డ్ రికార్డ్‌లో చోటు దక్కింది. తన ఆలోచనలను, సాంకేతికతను, మానవత్వాన్ని జోడించి నాయకుడిగా ఉద్యోగులను చేర్చాడు. ఖచ్చితమైన విశ్వాసంతో జనరేటివ్ AI హ్యాకథాన్ మార్పుతో కోడర్‌గా, సృష్టికర్తగా స్వీకరించి, యాప్‌గా కాకుండా మిషన్‌గా భావించాడు. జీవితంలో ప్రేరణ అనేది చాలా ముఖ్యమని ఆయన అన్నారు.
News October 18, 2025
ఆత్మహత్యకు కారకులైన నిందితులకు ఏడేళ్ల జైలు శిక్ష
భూవివాదంలో వ్యక్తిని బెదిరించి ఆత్మహత్యకు కారణమైన 8మంది నిందితులకు ఏడేళ్ల కఠిన కారాగార శిక్షతోపాటు రూ.5వేల జరిమానా విధిస్తూ కొత్తగూడెం ప్రిన్సిపల్ అసిస్టెంట్ సెషన్స్ జడ్జి కిరణ్ కుమార్ శుక్రవారం తీర్పు చెప్పారు. అశ్వాపురం(M) మొండికుంటకు చెందిన గూడూరు శ్రీనివాసరెడ్డి ఫిర్యాదు మేరకు సీఐ రాజు కేసు నమోదు చేసి ఛార్జ్ షీట్ దాఖలు చేశారు. కోర్టులో సాక్షులను విచారించగా నేరం రుజువు కావడంతో శిక్ష పడింది.
News October 18, 2025
డిప్యుటేషన్లకు దరఖాస్తు చేసుకోండి: KMR DEO
ఉపాధ్యాయులు, బోధనేతర సిబ్బందికి ఇంటర్‌ లోకల్ కేడర్ తాత్కాలిక డిప్యుటేషన్లు/బదిలీలకు ప్రభుత్వం అనుమతించిందని కామారెడ్డి DEO రాజు శుక్రవారం తెలిపారు. ఈ బదిలీలకు అర్హత కలిగిన ఉపాధ్యాయులు, బోధనేతర ఉద్యోగులు OCT 17 నుంచి OCT 24 వరకు schooledu.telangana.gov.in పోర్టల్‌లో దరఖాస్తు చేసుకోవాలని ఆయన సూచించారు. దరఖాస్తు కాపీల (2 సెట్లు) సంబంధిత పత్రాలతో OCT 25 లోపు DEO కార్యాలయంలో సమర్పించాలని పేర్కొన్నారు.