News October 17, 2025
SRPT: మీరాబాయి వేషంలో వచ్చి.. పాఠం బోధించి

విద్యార్థులకు పాఠ్యాంశాలు సులభంగా అర్థమయ్యేందుకు ఓ ఉపాధ్యాయురాలు విచిత్ర వేషధారణతో ఆకట్టుకున్నారు. తుంగతుర్తి(M) వెలుగుపల్లి ఉన్నత పాఠశాల హిందీ ఉపాధ్యాయురాలు కర్పూరపు నివేదిత.. 10వ తరగతిలో మీరాబాయి రచించిన ‘భక్తిపథ్’ పాఠం బోధించేందుకు మీరాబాయి వేషంలో తరగతి గదికి వచ్చారు. టీచర్ను చూసి మొదట అవాక్కైన విద్యార్థులు.. కాసేపటికి గుర్తుపట్టి ఆశ్చర్యపోయారు. ఆమె వినూత్న బోధనను అందరూ అభినందించారు.
Similar News
News October 18, 2025
జనగామ: ఇటు బంద్.. అటు న్యాయమూర్తుల రాక..!

బీసీలకు 42 శాతం రిజర్వేషన్ అమలు కోసం జనగామ జిల్లాలో బీసీ బంద్ కొనసాగుతోంది. ఇప్పటికే వ్యాపార, విద్యా, వాణిజ్య స్వచ్ఛందంగా బంద్లో పాల్గొన్నాయి. అయితే ఈరోజే జనగామకు హైకోర్టు న్యాయమూర్తులు వస్తున్న విషయం తెలిసిందే. వారు వచ్చే వేళ జనగామ బంద్లో ఎలాంటి అవాంఛనీయ ఘటనలు చోటుచేసుకోకుండా పోలీసులు పటిష్ఠమైన బందోబస్తు చేపడుతున్నారు.
News October 18, 2025
బాణసంచా విక్రయదారులకు SP సూచన.!

అనుమతి లేకుండా బాణసంచాలను విక్రయిస్తే చట్టరీత్యా చర్యలు తీసుకుంటామని జిల్లా SP హర్షవర్ధన్ రాజు హెచ్చరించారు. ఈ మేరకు శుక్రవారం సాయంత్రం ఒంగోలులోని ఎస్పీ కార్యాలయంలో ప్రకటన విడుదల చేసింది. ఎస్పీ ఆదేశాల మేరకు జిల్లా వ్యాప్తంగా ఆయా పోలీస్ స్టేషన్ల పరిధిలోని పోలీస్ అధికారులు, సిబ్బంది విస్తృత తనిఖీలను చేశారు. ఈ సందర్భంగా బాణసంచా విక్రయ కేంద్రాల్లో 18ఏళ్లలోపు పిల్లలను పనిలో ఉంచరాదన్నారు.
News October 18, 2025
HYD: లక్షకు పైగా మొబైల్స్ రికవరీ: సీఐడీ

తెలంగాణ సైబర్ క్రైమ్, సీఐడీ మరో రికార్డ్ సృష్టించింది. దొంగిలించబడిన, పోయిన మొబైల్స్ రికవరీలో తెలంగాణ రాష్ట్రం దేశంలోనే మొదటి స్థానంలో నిలిచింది. సీఈఐఆర్ పోర్టల్ ద్వారా ఇప్పటి వరకు 1,00,020 మొబైల్స్ రికవరీ చేసి జాతీయ స్థాయిలో బెంచ్ మార్క్ సెట్ చేసింది. దేశంలోని పైలట్ ప్రాజెక్టుల కంటే ఆలస్యంగా ప్రారంభమైనా, తెలంగాణ సీఈఐఆర్ సిస్టమ్ అద్భుత ఫలితాలు సాధించింది.