News October 20, 2025
దీపావళి: మీ ప్రాంతంలో ‘పేనీలు’ తింటారా?
దీపావళి అనగానే అందరికీ లక్ష్మీ పూజ, పటాసులే గుర్తొస్తాయి. కానీ తెలంగాణలో కొన్ని ఏరియాల్లో దీపావళి అంటే ‘పేనీలు’ తినాల్సిందే! అవును, ఈ స్వీట్‌ను ఎంతో ఇష్టంతో తినేవారు చాలామంది ఉంటారు. అమ్మవారికి కూడా ఇష్టమైన ఈ తీపి పదార్థాన్ని ముందుగా నైవేద్యంగా సమర్పిస్తారు. ఆ తర్వాత వేడి పాలల్లో కలుపుకొని ఆరగిస్తారు. కొందరు టీలో కూడా వేసుకుంటారు. స్వర్గీయమైన రుచిగా చెప్పే ఈ ఆచారం మీ ప్రాంతంలో ఉందా? COMMENT
Similar News
News October 20, 2025
అరటిలో మాంగనీసు ధాతు లోపం – నివారణ
అరటి తోటలో మాంగనీసు ధాతులోపం వల్ల ముదురు ఆకులపై నిర్ణీత ఆకారం లేని పసుపు రంగు మచ్చలు ఏర్పడతాయి. తర్వాత పసుపు రంగు మచ్చ మధ్యలో ఎండిపోతుంది. మాంగనీసు ధాతులోపం తీవ్రమైతే ఆకులు పూర్తిగా ఎండిపోతాయి. పిలకల లేత ఆకులు, ఆకుమచ్చ చారలతో తెల్లగా మారి లోపం తీవ్రమైనప్పుడు ఎండిపోతాయి. లోప నివారణకు లీటరు నీటికి మాంగనీస్ సల్ఫేట్ 2 గ్రాములు కలిపి ఆకులన్నీ తడిచేలా 10 రోజుల వ్యవధిలో 2-3 సార్లు పిచికారి చేయాలి.
News October 20, 2025
బిహార్ తొలి విడత ఎన్నికలకు ముందు పీఎం కిసాన్ నిధులు విడుదల?
దీపావళి సందర్భంగా కేంద్రం PM కిసాన్ 21వ విడత నిధులను రైతుల ఖాతాల్లో జమ చేస్తుందని వార్తలు వచ్చినా మోదీ సర్కార్ ఎలాంటి ప్రకటన చేయలేదు. అయితే నవంబర్ మొదటి వారంలో దేశవ్యాప్తంగా రైతులకు రూ.2వేల చొప్పున జమ చేసే అవకాశం ఉందని నేషనల్ మీడియా పేర్కొంది. బిహార్ అసెంబ్లీ తొలి విడత ఎన్నికలకు (నవంబర్ 6) ముందు కేంద్రం దీనిపై ప్రకటన చేయవచ్చని తెలిపింది. ఈ-కేవైసీ పూర్తి కాని రైతులకు డబ్బులు జమ కావని వివరించింది.
News October 20, 2025
ఆత్మగౌరవమే కిరీటం! నీ లక్ష్యం కోసం కష్టపడు..
మిత్రమా.. ఆత్మగౌరవమే నీకు అసలైన కిరీటం. నిన్ను పట్టించుకోని వారి కోసం అస్సలు వెతకకుండా నిన్ను నువ్వు గౌరవించుకో. అవమానం జరిగితే నిశ్శబ్దంగా ఉండకుండా వెంటనే ధైర్యంగా సమాధానం చెప్పేసేయ్. నీకు సంతోషాన్ని ఇచ్చే పనులనే చెయ్యి. ఇతరుల గురించి మాట్లాడి సమయాన్ని వృథా చేయకుండా, నీ లక్ష్యాల కోసం కష్టపడు. నీ సమయం ఎంతో విలువైనదిగా భావించు. ఎప్పుడూ బిజీగా ఉండి నీ విలువను పెంచుకో! Share it