News October 21, 2025
జనగామ: బెస్ట్ అవైలబుల్ చదువులకు తొలగిన అడ్డంకులు
బెస్ట్ అవైలబుల్ పథకం బకాయిలు విడుదల చేయాలని డిమాండ్ చేస్తూ ఇటీవల ప్రభుత్వ కార్యాలయాల ఎదుట విద్యార్థుల తల్లిదండ్రులు ధర్నాలు చేపట్టారు. స్పందించిన ప్రభుత్వం విద్యార్థుల చదువులకు ఇబ్బంది కలగకుండా చూడాలని ఆయా సంక్షేమ శాఖల అధికారులను ఆదేశించింది. దీంతో జిల్లా ఎస్సీ, ఎస్టీ సంక్షేమ అధికారులు జిల్లాలోని 5 బెస్ట్ అవైలబుల్ స్కూల్ యాజమాన్యాలతో మాట్లాడి బోధనకు ఇబ్బందులు లేకుండా చర్యలు చేపట్టారు.
Similar News
News October 22, 2025
వైట్‌హౌస్‌లోకి బుల్డోజర్లు.. కారణమిదే!
వరుస వివాదాలు చుట్టుముడుతున్నా అమెరికా అధ్యక్షుడు ట్రంప్ వెనక్కి తగ్గడం లేదు. తాజాగా వైట్‌హౌస్‌లోని ఈస్ట్ వింగ్‌లో కొంతభాగాన్ని బుల్డోజర్లతో కూలగొట్టిస్తున్నారు. తన బాల్‌రూమ్ ప్రాజెక్టు ($250M) కోసం ఆయన ఇలా చేస్తున్నారు. కూల్చివేతల ఫొటోలు సోషల్ మీడియాలో వైరల్ అవుతున్నాయి. కాగా అధికారిక విందులు, సమావేశాలు, నృత్య కార్యక్రమాలు నిర్వహించేందుకు ఉపయోగించే పెద్ద గదినే బాల్‌రూమ్/బాల్‌హాల్ అంటారు.
News October 22, 2025
కరేడులో 672 ఎకరాల భూసేకరణ పూర్తి: కలెక్టర్
ఉలవపాడు(M) కరేడులో తాజాగా 80 ఎకరాల భూ సేకరణకు అవార్డ్ పాస్ చేసినట్లు కలెక్టర్ హిమాన్షు శుక్లా మంగళవారం తెలిపారు. ఇండస్ట్రియల్ హబ్ ఏర్పాటు కోసం కరేడులో 4,800 ఎకరాల భూ సేకరణ లక్ష్యంగా కాగా ఇప్పటి వరకు 672 ఎకరాలకు పరిహారం ఇచ్చినట్లు పేర్కొన్నారు. భూ సేకరణ ప్రక్రియను మరింత వేగవంతం చేస్తామని స్పష్టం చేశారు. పరిశ్రమల ఏర్పాటుతో కరేడు రూపురేఖలు పూర్తిగా మారిపోతాయని ఆశాభావం వ్యక్తం చేశారు.
News October 22, 2025
BREAKING: HYD: అమీర్‌పేట్ సదర్ ఉత్సవాల్లో అపశృతి
HYD అమీర్‌పేట్ మండలం మధురానగర్ పీఎస్ పరిధిలో నిర్వహించిన సదర్ ఉత్సవాల్లో ఈరోజు అపశృతి చోటు చేసుకుంది. స్థానికులు తెలిపిన వివరాలు.. ఎల్లారెడ్డిగూడలో నిర్వహించిన సదర్ ఉత్సవాల్లో అదుపుతప్పిన దున్నరాజు జనాల్లోకి దూసుకెళ్లడంతో పలువురికి తీవ్ర గాయాలయ్యాయి. పోలీసులు ఘటనా స్థలానికి చేరుకుని, గాయాలైన వారిని ఆసుపత్రికి తరలించారు. ఈ ఘటనపై మరిన్ని వివరాలు తెలియాల్సి ఉంది.