News October 21, 2025

GNT: తవ్వకాల్లో బంగారం దొరికిందని.. రూ.12లక్షలు స్వాహా

తవ్వకాల్లో బంగారం దొరికిందని చెప్పి నకిలీ బంగారాన్ని విక్రయించిన కర్ణాటకకు చెందిన ఇద్దరు వ్యక్తులను అరండల్‌ పేట పోలీసులు మంగళవారం అరెస్ట్ చేశారు. వెస్ట్ డీఎస్పీ అరవింద్ వివరాల ప్రకారం.. ఐదుగురు సభ్యుల ముఠా నగరానికి చెందిన దంపతులను నమ్మించి రాగి-జింక్ మిశ్రమంతో కూడిన అరకేజీ నకిలీ బంగారం ముక్కలు ఇచ్చింది. వారి నుంచి రూ.12 లక్షలు తీసుకుని ఉడాయించారు. కేసు దర్యాప్తు చేసి నిందితుల్ని పట్టుకున్నారు.