News October 23, 2025
ఆకుకూరల్లో చీడపీడల నివారణకు సూచనలు
ఇటీవల కురిసిన భారీ వర్షాల వల్ల ఆకుకూరల పంటల్లో అనేక చీడపీడలు కనిపిస్తున్నాయి. ముఖ్యంగా ఆకుల అడుగు బాగాన తెల్లని బొడిపెలు, పైభాగాన లేత పసుపు రంగు మచ్చలు ఏర్పడి పండు బారుతున్నాయి. వీటి నివారణకు లీటరు నీటికి కాపర్ఆక్సీక్లోరైడ్ మూడు గ్రాముల మందును కలిపి ఆకుల అడుగు భాగం తడిసేలా పిచికారీ చేయాలి. గొంగళి పురుగులు ఆకులను కొరికి తింటుంటే లీటరు నీటికి కార్బరిల్ మందును రెండు గ్రాములు కలిపి పిచికారీ చేయాలి.
Similar News
News October 23, 2025
అభ్యంగన స్నానం వెనుక ఆంతర్యమిదే!
శరీరాద్యంతము తైలమును అంటుకోవడమే అభ్యంగనం. అనగా ఆముదము గానీ, నువ్వుల నూనె గానీ, నెయ్యి, వెన్న మొదలైన ఏదో ఒక తైలమును శరీరమంతా బాగా పట్టించి కనీసం 30 నిమిషాల తర్వాత శీకాయపొడి కానీ, పెసరపిండి కానీ, శనగపిండి గానీ ఉపయోగించి గోరువెచ్చటి నీటితో స్నానము చేయాలి. ఇది ఆధ్యాత్మిక నియమమే కాదు. ఆరోగ్యకరం కూడా! అందుకే పండుగల్లో దీన్ని విధిగా ఆచరించాలని మన పెద్దలు సూచిస్తుంటారు. కార్తీక మాసంలో ఈ నియమం ముఖ్యం.
News October 23, 2025
ఇంటి చిట్కాలు
* చెత్తబుట్టలో బ్యాక్టీరియా చేరి దుర్వాసన రాకుండా ఉండాలంటే.. బుట్ట అడుగు భాగంలో కొంచెం బొరాక్స్‌ పొడి చల్లాలి.
* కాస్త వెనిగర్‌లో కొద్దిగా ఆలివ్ ఆయిల్ కలిపి డైనింగ్ టేబుల్ తుడిస్తే ఎలాంటి మరకలైనా పోతాయి.
* ట్యాపులపై ఉండే మచ్చలు పోయి కొత్తవాటిలా మెరవాలంటే వారానికోసారి నిమ్మకాయ ముక్కతో రుద్దాలి.
* కొవ్వొత్తులను వెలిగించే ముందు వాటి పైభాగాన కాస్త ఉప్పు రాస్తే ఎక్కువ సమయం వెలుగుతాయి.
News October 23, 2025
ఆరోగ్య సమస్యలకు పరిష్కారాలివిగో!
సాధారణంగా వేధించే ఆరోగ్య సమస్యలకు తగిన విటమిన్లు, ఖనిజాలు తీసుకోవడం ద్వారా సులభంగా పరిష్కారం పొందవచ్చని వైద్యులు చెబుతున్నారు. జుట్టు రాలకుండా ఉండేందుకు బయోటిన్ (B7)& A, E, అలసటకు విటమిన్ B12& D& ఐరన్, మొటిమలకు విటమిన్ A& జింక్, పొడి చర్మానికి విటమిన్ C & E, ఒమేగా-3 వంటివి ప్రయోజనకరం. తలనొప్పికి మెగ్నీషియం & B2, వీక్‌నెస్‌కి B1& D & మెగ్నీషియం ఆహారంలో ఉండేలా చూసుకోవాలని సూచిస్తున్నారు. SHARE IT