News October 23, 2025

శివలింగం నుంచి నీరు..

తాడిపత్రిలోని పెన్నానది ఒడ్డున వెలసిన బుగ్గరామలింగేశ్వర స్వామి ఆలయంలో కార్తీక ఉత్సవాలు వైభవంగా జరుగుతున్నాయి. ఇక్కడ శివలింగాన్ని శ్రీరాముడు ప్రతిష్ఠించినట్లు చెబుతారు. ఏడాదిలో 365రోజులూ శివలింగం కింద నుంచి జలధార ఊరుతూనే ఉండటం ఇక్కడి మహిమ. బుగ్గ అంటే నీటి ఊట. వర్షాలు లేకపోయినా, నీటి వనరులు ఎండిపోయినా శివలింగం కింద నీరు ఊరుతూనే ఉంటుంది. అందుకే బుగ్గ రామలింగేశ్వరస్వామి ఆలయంగా పేరు వచ్చిందని చెబుతారు.