News April 9, 2024

ఉగాది స్పెషల్.. పైడితల్లమ్మకు ప్రత్యేక అలంకరణ

శ్రీ క్రోధి నామ సంవత్సర ఉగాది సందర్బంగా విజయనగరం ప్రజల ఆరాధ్య దైవం శ్రీ పైడితల్లమ్మకు చదురుగుడిలో వివిధ రకాల పుష్పాలతో ప్రత్యేక అలంకరణ చేశారు. సిరిమాను పూజారి బంటుపల్లి వెంకటరావు ఆధ్వర్యంలో అమ్మవారికి వేకువజాము నుంచి పంచామృతాభిషేకాలు, పూజలు నిర్వహించారు. నైవేద్యంగా బూరెలు, అరెసెలు, పండ్లు సమర్పించారు. భక్తులు అధిక సంఖ్యలో పాల్గొని అమ్మవారిని దర్శించుకుని, మొక్కులు చెల్లించుకున్నారు.