News October 24, 2025
మెదక్: విషాదం.. మృతదేహాల కోసం ఎదురుచూపు..!
మెదక్ మండలం <<18091691>>శివ్వాయిపల్లికి చెందిన<<>> మంగ సిద్ధగౌడ్‌కు ఆనంద్ గౌడ్, రమేశ్ గౌడ్ ఇద్దరు కుమారులు, ఒక కూతురు. ఆనంద్ గౌడ్ దుబాయ్‌లో ఉద్యోగరీత్యా స్థిరపడగా అతడికి పాపన్నపేటకు చెందిన సంధ్యారాణితో వివాహమైంది. వీరికి కుమార్తె చందన(23) బెంగుళూరులో సాఫ్ట్‌వేర్ ఉద్యోగం చేస్తుంది. కుమారుడు శ్రీవల్లభ గౌడ్ అలహాబాద్‌లో చదువుతున్నాడు. తల్లీకూతుళ్లు కర్నూల్ వద్ద బస్సులో సజీవ దహనం కాగా మృతదేహాల కోసం ఎదురుచూస్తున్నారు.
Similar News
News October 25, 2025
నాగ దేవతను పూజిస్తే కలిగే ఫలితాలు
నాగుల చవితి రోజున నాగ దేవతను భక్తి శ్రద్ధలతో పూజిస్తే.. సర్వ రోగాలు తొలగిపోయి, సౌభాగ్యవంతులు అవుతారని పండితులు చెబుతున్నారు. అన్ని రకాల దోషాల నుంచి విముక్తి లభిస్తుందని అంటున్నారు. సంతానం లేని దంపతులకు నాగ దేవత అనుగ్రహంతో సంతాన ప్రాప్తి కలుగుతుందని, ఆరోగ్యకర జీవితం లభిస్తుందని భక్తులు నమ్ముతారు. నేడు నాగ దేవతను పూజించి, నైవేద్యాలు సమర్పిస్తే అదృష్టం వెన్నంటే ఉంటుందని ప్రగాఢ విశ్వాసం.
News October 25, 2025
మద్యం దుకాణాల లాటరీ.. 24 షాపులకు 474 దరఖాస్తులు
2025-27 సంవత్సరానికి సంబంధించిన మద్యం దుకాణాల లైసెన్సుల కేటాయింపునకు ఏర్పాట్లు పూర్తయ్యాయి. రామగుండం ఎక్సైజ్ స్టేషన్ పరిధిలోని 24 షాపుల కోసం మొత్తం 474 దరఖాస్తులు వచ్చాయని ఎక్సైజ్ CI మంగమ్మ తెలిపారు. ఈ లైసెన్సుల కేటాయింపు లాటరీ పద్ధతిలో OCT 27, సోమవారం ఉదయం 11 గంటలకు PDPL జిల్లా బందంపల్లిలోని స్వరూప గార్డెన్స్‌లో కలెక్టర్ ఆధ్వర్యంలో జరగనుంది. దరఖాస్తుదారులు ఉదయం 9 గంటలకే హాజరుకావాలని CI సూచించారు.
News October 25, 2025
చందుర్తి: ఆర్థిక ఇబ్బందులతో అంగన్‌వాడీ టీచర్ ఆత్మహత్య
చందుర్తి మండలం సనుగుల దేవుని తండా అంగన్‌వాడీ కేంద్రం టీచర్ గొట్టె పరిమళ (39) శనివారం ఉదయం ఉరి వేసుకొని ఆత్మహత్యకు పాల్పడ్డారు. గత 23 ఏళ్లుగా అంగన్‌వాడీ టీచర్‌గా పనిచేసి మంచి పేరు సంపాదించుకున్న పరిమళ.. అనారోగ్యం, ఆర్థిక ఇబ్బందుల కారణంగానే ఈ తీవ్ర నిర్ణయం తీసుకున్నట్లు కుటుంబ సభ్యులు తెలిపారు. మృతురాలికి భర్త నరేష్, ఇద్దరు కుమారులు ఉన్నారు.