News October 24, 2025
జగదేవ్‌పూర్: కొండపోచమ్మ అమ్మవారి ఆదాయం రూ.88.90 లక్షలు
శ్రీ కొండపోచమ్మ అమ్మవారి ఆలయం వద్ద దేవాదాయశాఖ అధికారులు, ఈవో రవి కుమార్, కొండపోచమ్మ గుడి కమిటీ ఛైర్‌పర్సన్ అను గీత, పాలకమండలి సభ్యుల ఆధ్వర్యంలో శుక్రవారం బహిరంగ వేలంపాటను నిర్వహించారు. ఈ వేలం పాటలో పూజా సామగ్రి రూ.23.10 లక్షలు, కొబ్బరికాయలు, అమ్మవారి ఒడిబియ్యం రూ.25.70 లక్షలు, లడ్డూ, పులిహోర రూ.30.20 లక్షలు, పువ్వులకు రూ.2 లక్షలు, కొబ్బరి ముక్కల సేకరణ రూ.7.90 లక్షలకు వేలం పాడి దక్కించుకున్నారు.
Similar News
News October 26, 2025
నేడు HYDలో తేలికపాటి నుంచి మోస్తరు వర్షాలు
HYDలో ఆకాశం మేఘావృతమై ఉంది. నగరంలోని కొన్ని ప్రాంతాల్లో తేలికపాటి నుంచి మోస్తరు వర్షం పడే అవకాశం ఉందని HYD వాతావరణ కేంద్రం తెలిపింది. ‘నేడు ఉరుములు, మెరుపులతో కూడిన జల్లులు, గంటకు 30-40 కి.మీ వేగంతో ఈదురు గాలులు వీచే అవకాశం ఉంది. ఉదయం పొగమంచు పరిస్థితులు కనిపించొచ్చు. గరిష్ఠ ఉష్ణోగ్రత 29°C, కనిష్ఠ ఉష్ణోగ్రత 22°Cగా నమోదయ్యే అవకాశం ఉంది’ అని పేర్కొంది.
News October 26, 2025
GNT: రైతుల గుండెల్లో తుఫాన్ గుబులు..!
తుపాను హెచ్చరికలతో రైతుల గుండెల్లో రైళ్లు పరిగెడుతున్నాయి. ఈ ఏడాది ఇప్పటికే అధిక వర్షాలతో డెల్టాలోని రైతులు ఇబ్బందులు పడుతున్నారు. ఇప్పుడు తుపాను ప్రభావంతో ఈదురు గాలులు, అతి భారీ వర్షాలు కురుస్తున్నాయని వాతావరణ శాఖ హెచ్చరికలతో అన్నదాతల గుండెల్లో గుబులు మొదలైంది. గుంటూరు జిల్లాలో ప్రస్తుతం వరి పైరు ఏపుగా పెరుగుతోంది. ఈ సమయంలో తుఫాను వస్తే పంట నీట మునిగి ఎందుకూ పనికి రాదని రైతులు భయపడుతున్నారు.
News October 26, 2025
పాలమూరు వర్శిటీలో స్పాట్ అడ్మిషన్స్.. నేడే లాస్ట్
PUలోని బీ.ఫార్మసీలో మిగిలి ఉన్న సీట్లకు స్పాట్ అడ్మిషన్స్ నిర్వహిస్తున్నట్లు రిజిస్ట్రార్ రమేష్ బాబు ‘Way2News’తో తెలిపారు. నేడు ఆన్లైన్లో అప్లికేషన్ చేసుకోవాలని, ఈనెల 28న పబ్లికేషన్ ఫారం ఫార్మసీ కళాశాల కార్యాలయంలో ఇచ్చి కన్ఫామ్ చేసుకోవాలన్నారు. వివరాలకు www.palamuruunivetsity.ac.in వెబ్ సైట్‌లో సందర్శించాలన్నారు. TGEAPCET క్వాలిఫై అయిన అభ్యర్థులు రూ.1300, కానీ అభ్యర్థులు రూ.2100 చెల్లించాలన్నారు.