News October 25, 2025
BEL మరో ఉద్యోగ నోటిఫికేషన్ విడుదల
భారత్ ఎలక్ట్రానిక్స్ లిమిటెడ్(BEL) 38 ఇంజినీరింగ్ అసిస్టెంట్, టెక్నీషియన్-C పోస్టులకు మరో నోటిఫికేషన్ విడుదల చేసింది. డిప్లొమా, ఇంటర్+ITI అర్హతగల అభ్యర్థులు NOV16 వరకు అప్లై చేసుకోవచ్చు. గరిష్ఠ వయసు 28ఏళ్లు. రిజర్వేషన్ గలవారికి ఏజ్‌లో సడలింపు ఉంది. మహారాష్ట్ర స్టేట్ ఎంప్లాయిమెంట్ ఎక్స్ఛేంజ్‌లో అభ్యర్థులు రిజిస్ట్రేషన్ చేసుకుని ఉండాలి. రాతపరీక్ష ద్వారా ఎంపిక చేస్తారు. వెబ్‌సైట్: bel-india.in/
Similar News
News October 26, 2025
అసలైన భక్తులు ఎవరంటే?
లాభాపేక్షతో భగవంతుణ్ని సేవించేవారు వ్యాపారస్తులు అవుతారు. వారు దేవుణ్ని తన వ్యాపార భాగస్వామిగా భావించి, ప్రతిఫలాన్ని ఆశిస్తారు. కానీ నిజమైన భక్తులు ఎలాంటి స్వార్థం, ఆశయం లేకుండా ‘నేనే నీ దాసుడను, నీవు నా స్వామివి’ అనే నిష్కల్మష భావనతో సేవలు చేస్తారు. ప్రతిఫలం ఆశించకుండా, మనస్సును భగవంతునిపైనే ఉంచి భక్తి చూపుతారు. స్వామి సంతోషమే తన సంతోషంగా భావించి, అందరిలోనూ ఆనందాన్ని నింపుతారు. <<-se>>#Daivam<<>>
News October 26, 2025
భగవంతుని నామస్మరణ గొప్పతనం ఏంటంటే..?
భగవంతుడి నామస్మరణ ఎంతో మహత్తరమైనది. ఆ నామాన్ని భక్తితో, వైరాగ్యంతో మాత్రమే కాక, కోపంతో, అలవాటుగా, అనాలోచితంగా పలికినా కూడా సకల శుభాలనూ, మోక్ష ఫలాలనూ అందిస్తుంది. భావనతో సంబంధం లేకుండా ఆ నామ సంకీర్తన నిరంతర శుద్ధిని కలిగిస్తుంది. అంతిమంగా జీవునికి మేలు చేకూర్చుతుంది. అందుకే ఆయన పేరుతో ఆయణ్ను దూషించినా.. అది దైవ నామ స్మరణే అవుతుందని పండితులు చెబుతుంటారు. భగవత్ నామానికి ఉన్న అద్భుత శక్తి ఇది.<<-se>>#Bakthi<<>>
News October 26, 2025
ఫుడ్ పాయిజనింగ్ కావొద్దంటే ఇవి మస్ట్!
TG: రాష్ట్రంలో గత 9 నెలల్లో 34K+ ఫుడ్ పాయిజనింగ్ కేసులు నమోదయ్యాయి. దీనికి కలుషిత నీరు, ఆహారం, అపరిశుభ్రతే కారణమని డాక్టర్లు చెబుతున్నారు. ‘బయటి ఫుడ్, ఫ్రిడ్జిలో నిల్వ ఉంచిన ఆహారం తినొద్దు. వాడిన నూనె మళ్లీ వాడొద్దు. శుభ్రత పాటించాలి. కాచి చల్లార్చిన నీరు తాగాలి. తినే ముందు, మలవిసర్జన తర్వాత సబ్బుతో చేతులు కడగాలి. వాంతులు, విరేచనాలు, కడుపునొప్పి వస్తే వైద్యుడిని సంప్రదించాలి’ అని సూచిస్తున్నారు.