News October 25, 2025
జనగామ: భార్యాభర్తలిద్దరికీ యావజ్జీవ కారాగార శిక్ష
భార్యాభర్తలిద్దరికీ రూ.5 వేల జరిమానాతో పాటు యావజ్జీవ కారాగార శిక్ష పడినట్లు నర్మెట్ట SI నగేశ్ తెలిపారు. వెల్డండకు చెందిన మంకెన నర్సిరెడ్డిని కొడుకు మల్లారెడ్డి, కోడలు పద్మ కలిసి ఆస్తి విషయంలో కొట్టి చంపారని ఆయన కూతురు లక్ష్మి 2019లో పోలీస్ స్టేషన్‌లో ఫిర్యాదు చేయగా కేసు నమోదైంది. వాదోపవాదనలు జరిగిన అనంతరం నేరం రుజువు కావడంతో శుక్రవారం జనగామ జిల్లా జడ్జి ప్రతిమ యావజ్జీవ కారాగార శిక్ష విధించారు.
Similar News
News October 28, 2025
మార్చి మూడో వారం నుంచి టెన్త్ ఎగ్జామ్స్?
TG: పదో తరగతి పరీక్షలను మార్చి మూడో వారం నుంచి నిర్వహించాలని విద్యాశాఖ భావిస్తున్నట్లు సమాచారం. 16 లేదా 18వ తేదీ నుంచి ఎగ్జామ్స్ ప్రారంభమయ్యే అవకాశాలున్నట్లు తెలుస్తోంది. కాగా ఇంటర్ పరీక్షలు ఫిబ్రవరి 25 నుంచి మార్చి 18 వరకు నిర్వహిస్తామని ఇటీవల అధికారులు ప్రకటించిన సంగతి తెలిసిందే. ఏటా ఇంటర్ పరీక్షలు ముగిసే రెండు రోజుల ముందు టెన్త్ ఎగ్జామ్స్ మొదలవడం ఆనవాయితీగా వస్తోంది.
News October 28, 2025
ఉదయాన్నే టీ, కాఫీ తాగుతున్నారా?
ఉదయం లేవగానే కాఫీ, టీ తాగితేనే కానీ చాలామంది కాలకృత్యాలు పూర్తి చేయలేరు. అయితే ఇదెంతమాత్రం మంచిది కాదంటున్నారు గ్యాస్ట్రో ఎంటరాలజిస్ట్ డా.సుశీల్ శర్మ. ‘టీ, కాఫీలు ముందు పెద్దపేగును కదిలిస్తాయి. తరువాత అదే అలవాటుగా మారి చివరకు పేగుల సహజ రిథమ్‌ను దెబ్బతీస్తాయి. ఆపై పొట్టలో ఇరిటేట్ చేస్తాయి. ఆరోగ్యంపై దుష్ప్రభావం చూపుతాయి’ అని పేర్కొన్నారు. వాటి బదులు గోరువెచ్చని నీటిని సేవించాలని సూచించారు.
News October 28, 2025
అడుగున ఎరువుకొద్దీ పైన బంగారం
ఏ పొలానికైనా ఎరువులే బలం అని చెప్పేందుకు ఈ సామెతను ఉపయోగిస్తారు. పొలం పనులలో భూమికి ఎరువు వేయడం కష్టమైనా, సరైన ఎరువు ఫలితంగా బంగారంలాంటి పంట పండి మనకు సంతోషం కలుగుతుంది. అలాగే, కష్టపడి పనిచేస్తేనే మంచి ఫలితాలు వస్తాయని ఈ సామెత చెబుతుంది.