News October 26, 2025
SSC దరఖాస్తు సవరణ తేదీల్లో మార్పులు
SSC వివిధ పోస్టుల దరఖాస్తులో తప్పుల సవరణ తేదీలను ప్రకటించింది. కానిస్టేబుల్ (డ్రైవర్), హెడ్ కానిస్టేబుల్ (AWO) పోస్టులకు దరఖాస్తు సవరణ ఈనెల 31 – NOV 2వరకు చేసుకోవచ్చు. SI పోస్టులకు NOV 3 – 5 వరకు, HC (మినిస్టీరియల్) పోస్టులకు NOV 5 – 7 వరకు , కానిస్టేబుల్ (ఎగ్జిక్యూటివ్) పోస్టులకు NOV 7 – 9 వరకు సవరణ చేసుకోవచ్చు. CHSL ఎగ్జామ్ స్లాట్ సిటీ, తేదీ, షిఫ్ట్‌ను ఈ నెల 28 వరకు ఎంపిక చేసుకోవచ్చు.
Similar News
News October 26, 2025
నారద భక్తి సూత్రాలు – 8
నిరోధస్తు లోకవేదవ్యాపార వ్యప:
మనం చేసే సాధారణ పనులైనా, దేవుడికి సంబంధించిన పనులైనా.. వాటి ఫలితం గురించి ఆలోచించకుండా ‘దేవుడా! నీ కోసమే చేస్తున్నాను’ అని వాటిని ఆయనకు అప్పగించాలని ఈసూత్రం సూచిస్తోంది. ఫలితంగా మన మనసులో ఆందోళన, స్వార్థం పోతాయని, మన ప్రతి పని దైవసేవగా మారుతుందని చెబుతోంది. ‘నేను చేస్తున్నాను’ అనే అహంకారం వదిలి ‘అంతా దేవుడే చేయిస్తున్నాడు’ అనే నమ్మకంతో ఉండటమే ఈ సూత్ర సారాంశం. <<-se>>#NBS<<>>
News October 26, 2025
విషాదం: మట్టిపెళ్లలు విరిగిపడతాయని పంపిస్తే..
కేరళలోని ఇడుక్కి జిల్లాలో దంపతులను దురదృష్టం వెంటాడింది. NH-85 విస్తరణ పనుల్లో భాగంగా మన్నంకందంలో కొండను తవ్వుతున్నారు. మట్టిపెళ్లలు విరిగిపడే అవకాశం ఉందని 22 కుటుంబాలను నిన్న సాయంత్రం రిలీఫ్ క్యాంపులకు తరలించారు. అయితే రాత్రికి భోజనం కోసం బిజు(48), సంధ్య దంపతులు ఇంటికి తిరిగి వచ్చారు. ఈ సమయంలో మట్టి, బురద ఆ ప్రాంతాన్ని ముంచెత్తాయి. బిజు చనిపోగా, సంధ్య తీవ్రంగా గాయపడ్డారు.
News October 26, 2025
సెలక్టర్లపై కైఫ్ సంచలన ఆరోపణలు
టీమ్ ఇండియా స్టార్ క్రికెటర్లు రోహిత్ శర్మ, విరాట్ కోహ్లీ విఫలం కావాలని కొందరు సెలక్టర్లు ఎదురుచూస్తున్నారని మాజీ క్రికెటర్ మహ్మద్ కైఫ్ సంచలన ఆరోపణలు చేశారు. 2027 ODI వరల్డ్‌కప్ రేసు నుంచి వారిని తప్పించాలని భావిస్తున్నారని చెప్పారు. తమను జట్టు నుంచి తొలగించే అవకాశం ఎవరికీ ఇవ్వకూడదని తన యూట్యూబ్ ఛానల్‌లో అన్నారు. WC జరిగే సౌతాఫ్రికా పిచ్‌లపై అనుభవమున్న వారిద్దరూ కచ్చితంగా ఆడాలని అభిప్రాయపడ్డారు.