News October 27, 2025

ఇంటి తాళాలు పగులగొట్టి బంగారం, నగదు అపహరణ

ఇంటికి తాళాలు వేసి చుట్టాల ఇంటికి వెళ్లిన వృద్ధ దంపతుల ఇంటిలో దుండగులు చొరబడి రూ.1.60 లక్షల విలువైన బంగారం, నగదును అపహరించినట్లు స్థానికులు తెలిపారు. ఈ ఘటన ఏలూరు త్రీ టౌన్‌లోని శ్రీరామ్ నగర్‌లో చోటుచేసుకుంది. ఆదివారం ఇంటికి తిరిగి వచ్చిన ఇంటి యజమాని బాలగంగాధర్ తిలక్ ఈ ఘటనపై పోలీసులకు ఫిర్యాదు చేశాడు. సీఐ కోటేశ్వరరావు ఘటనా స్థలాన్ని పరిశీలించి, కేసు నమోదు చేసి దర్యాప్తు చేపట్టినట్లు వివరించారు.