News October 27, 2025

భద్రకాళి అమ్మవారికి ప్రత్యేక పూజలు

వరంగల్ భద్రకాళి దేవస్థానంలో కార్తీక సోమవారం సందర్భంగా ఉదయం నుంచే భక్తులు పెద్ద సంఖ్యలో ఆలయానికి తరలివచ్చి అమ్మవారిని దర్శించుకున్నారు. ప్రత్యేక పూజలు, అభిషేకాలు, దీపారాధన నిర్వహించగా ఆలయ ప్రాంగణం భక్తి శ్రద్ధలతో మారుమోగింది. ఆలయ అధికారులు భక్తుల సౌకర్యార్థం ప్రత్యేక ఏర్పాట్లు చేశారు. కార్తీక మాసంలో సోమవారం కావడంతో భక్తులు ఉపవాస దీక్షలతో అమ్మవారికి నైవేద్యాలు సమర్పించారు.