News October 27, 2025
HYD: డబ్బు డబుల్ చేస్తామని మోసం.. నిందితుల అరెస్ట్..!
“బారిష్ పూజ” పేరిట డబ్బు రెట్టింపు చేస్తామని నమ్మించి ప్రజలను మోసం చేసిన నలుగురిని సైబరాబాద్ పోలీసులు అరెస్ట్ చేశారు. అరెస్టయిన వారిలో బహదూర్‌పురకు వాసి, సోఫా వర్కర్ మొహమ్మద్ ఇర్ఫాన్, ఫిల్మ్‌నగర్‌కి చెందిన మేకప్ ఆర్టిస్ట్ గుగులోత్ రవీందర్, సూరారం కాలనీలోని కవిర సాయిబాబా, ఖైరతాబాద్‌కు చెందిన వాషర్‌మన్ ఠాకూర్ మనోహర్ సింగ్ ఉన్నారు.పోలీసులు రూ.8.50లక్షల నగదు, దేశీయ తుపాకి, కత్తి స్వాధీనం చేసుకున్నారు.
Similar News
News October 28, 2025
హరీశ్‌రావు తండ్రి మరణం బాధాకరం: ‘X’లో సీఎం
మాజీ మంత్రి, సిద్ధిపేట MLA హరీశ్‌రావు తండ్రి తన్నీరు సత్యనారాయణ మరణం బాధాకరమని సీఎం రేవంత్ రెడ్డి Xలో వేదికగా పోస్ట్ చేశారు. ‘ఆయన ఆత్మకు శాంతి చేకూరాలని భగవంతుడిని ప్రార్థిస్తూ.. హరీశ్‌రావు కుటుంబ సభ్యులకు తన ప్రగాఢ సానుభూతిని తెలియజేస్తున్నా అని రాసుకొచ్చారు.
News October 28, 2025
HYD: 2 గంటలకుపైగా సోషల్ మీడియాలోనే
నేషనల్ వెబ్ ఇండెక్స్ సర్వే ప్రకారం నగర యువత రోజుకు 2 గంటలకుపైగా సోషల్ మీడియాలో గడిపేస్తున్నట్లు తేలింది. ఫ్యామిలీ పంచాయితీలు, వివరాలు అన్నీ ఇందులో పెట్టేస్తూ లేనిపోని వ్యవహారల్లో తలదూరుస్తున్నట్లు తేలింది. SMను సమాచారం కోసం కాకుండా వినోదం, కొత్త ఫ్రెండ్స్‌తో ఛాటింగ్‌కు ఓపెన్ చేస్తున్నట్లు తేలింది. దీంతో చదువు అటకెక్కుతుందని, వ్యక్తిగత స్వేచ్ఛ ఉండదని, SMపై నియంత్రణ అవసరమని సూచించారు.
News October 28, 2025
HYD: రాత్రి భారీ వర్షం.. పలుచోట్ల చిరుజల్లులు
గ్రేటర్ హైదరాబాద్ పరిధిలోని ఉప్పల్, నాచారం, తార్నాక, హబ్సిగూడ, శివంరోడ్ పరిసర ప్రాంతాల్లో చిరుజల్లులు కురుస్తున్నాయి. శివారు పెద్దఅంబర్‌పేట్, ఇబ్రహీంపట్నం, కందుకూరు తదితర ప్రాంతాల్లో రాత్రి 1 నుంచి ఉ.3వరకు భారీ వర్షం కురిసింది. దీంతో వాతావరణం చల్లగా మారింది. రోడ్లపై నీరు నిలిచింది. ఆఫీసు సమయాల్లో ట్రాఫిక్ నెమ్మదించింది. ఈరోజు సాయంత్రం గ్రేటర్ వ్యాప్తంగా వర్షం కురిస్తుందని అధికారులు అంచనా వేశారు.