News October 29, 2025
తుఫాన్ బాధితులకు బాబు భరోసా..!
తుఫాన్ బాధితులకు భరోసా కల్పించడానికి CM చంద్రబాబు రంగంలోకి దిగారు. అంబేడ్కర్ కోనసీమ జిల్లా అల్లవరం(M) ఓడలరేవులో పర్యటించారు. పునరావాస కేంద్రాల్లోని బాధితులకు తన చేతుల మీదుగా సరుకులు, ఒక్కో కుటుంబానికి రూ.3వేలు ఇచ్చారు. పలువురిని సీఎం ఆప్యాయంగా పలకరించడంతో బాధితులు సంతోషం వ్యక్తం చేశారు. తర్వాత ఆయన అరగట్లపాలెం, బెండమూరులంకలో నీట మునిగిన పొలాలను పరిశీలించి ఆదుకుంటామని రైతులకు భరోసా ఇచ్చారు.
Similar News
News October 30, 2025
HYD: 2 రోజుల వ్యవధిలో ప్రేమ జంట SUICIDE
2 రోజుల వ్యవధిలో ప్రేమజంట ప్రాణాలు తీసుకున్న హృదయ విదారక ఘటన ఆరుట్లలో చోటుచేసుకుంది. స్థానికుల వివరాలిలా.. సోమవారం <<18124971>>నందిని<<>> (18) ఆత్మహత్య చేసుకోగా.. తట్టుకోలేని <<18139351>>నాగరాజు<<>> (23) నిన్న ఆత్మహత్య చేసుకున్నాడు. వీరు 2ఏళ్లుగా ప్రేమలో ఉన్నట్లు తెలుస్తోంది. ఇటీవల వీరిమధ్య మనస్పర్థలతో ఆమె క్షణికావేశంలో ఉరేసుకుంది. తట్టుకోలేక బుధవారం నాగరాజు ప్రాణాలు తీసుకున్నాడు. ఇరుకుటుంబాలు కేసు ఫైల్ చేశాయి.
News October 30, 2025
SEBIలో 110 పోస్టులు… నేటి నుంచే దరఖాస్తుల ఆహ్వానం
SEBI 110 అసిస్టెంట్ మేనేజర్ పోస్టులకు నేటి నుంచి దరఖాస్తులు స్వీకరిస్తోంది. అర్హత గలవారు NOV 28 వరకు అప్లై చేసుకోవచ్చు. పోస్టును బట్టి మాస్టర్ డిగ్రీ లేదా PG డిప్లొమా, LLB, BE, బీటెక్, CA, CFA, MCA, MSC(CS), MA( హిందీ/ ఇంగ్లిష్) ఉత్తీర్ణతతో పాటు పని అనుభవం ఉండాలి. ఫేజ్ 1 రాత పరీక్ష JAN 10న, ఫేజ్ 2 రాత పరీక్ష FEB 21న నిర్వహిస్తారు. ఇంటర్వ్యూ తేదీని తర్వాత ప్రకటిస్తారు. వెబ్‌సైట్: sebi.gov.in
News October 30, 2025
బాధితులకు అండగా ఉండండి: వరంగల్ కలెక్టర్
భారీ వర్షాల ప్రభావంతో జలదిగ్బంధంలో ఉన్న ఎన్‌ఎన్ నగర్ ప్రాంతాన్ని కలెక్టర్ డాక్టర్ సత్య శారదా స్వయంగా సందర్శించారు. వరద బాధితులను పరామర్శించి వారి సమస్యలను ఆరా తీశారు. సహాయక చర్యల్లో పాల్గొంటున్న అధికారులను మార్గనిర్దేశం చేస్తూ తక్షణ సహాయం అందించాలని సూచించారు. బాధితులకు అవసరమైన ఆహారం, నీరు, వైద్య సదుపాయాలు అందించాలంటూ కలెక్టర్ ఆదేశాలు జారీ చేశారు.