News October 30, 2025
భారీ వర్షాలపై ప్రజలు అప్రమత్తంగా ఉండాలి: కలెక్టర్
నిర్మల్ జిల్లాలో నిన్నటి నుంచి కురుస్తున్న భారీ వర్షాల కారణంగా జిల్లా ప్రజలందరూ అప్రమత్తంగా ఉండాలని కలెక్టర్ అభిలాష అభినవ్ గురువారం ఒక ప్రకటనలో తెలిపారు. వర్షాల వల్ల ప్రాజెక్టులు అన్నీ నిండినందున, ప్రాజెక్టు పరివాహక ప్రాంతాల్లోకి ఎవరూ వెళ్లవద్దని సూచించారు. అధికారులు అందరూ ప్రజలకు అందుబాటులో ఉంటారని, ఏ సహాయం కావాలన్నా సంప్రదించాలని కలెక్టర్ కోరారు.
Similar News
News October 31, 2025
సిరిసిల్లలో ఎస్పీ ఆధ్వర్యంలో కొవ్వొత్తుల ర్యాలీ
పోలీసు అమరవీరుల సంస్మరణ వారోత్సవాల్లో భాగంగా సిరిసిల్ల పట్టణంలో గురువారం రాత్రి పోలీసులు కొవ్వొత్తుల ర్యాలీ నిర్వహించారు. జిల్లా ఎస్పీ మహేష్ బి గీతే ర్యాలీని ప్రారంభించి, నేతన్న చౌరస్తా నుంచి గాంధీ విగ్రహం వరకు నడిపించారు. ఈ సందర్భంగా ఎస్పీ మాట్లాడుతూ.. అమరవీరుల త్యాగాలు స్ఫూర్తిదాయకమని, వారి ఆశయాల సాధనకు ప్రతి ఒక్కరూ కృషి చేయాలని పిలుపునిచ్చారు.
News October 31, 2025
HNK: ‘మా బేబీ మాకు కావాలి’ అంటూ బంధువుల ఆందోళన
హన్మకొండ నయినగర్‌లోని ఓ హాస్పిటల్‌లో ఆపరేషన్ సమయంలో శిశువు మృతి చెందడం కలకలం రేపింది. కుటుంబ సభ్యుల వివరాల ప్రకారం.. ఆపరేషన్ వికటించి బాబు మరణించాడని, అయితే ఆస్పత్రి వైద్యులు ఈ విషయాన్ని దాచిపెట్టి నాలుగు రోజులుగా మోసం చేస్తున్నారని ఆరోపించారు. ‘మా బేబీ మాకు కావాలి’ అంటూ బంధువులు ఆస్పత్రి ఎదుట ఆందోళనకు దిగగా.. డాక్టర్‌ తప్పిదం లేదంటూ హాస్పత్రి సిబ్బంది వాదిస్తున్నారు.
News October 31, 2025
KNR: ‘చిట్ ఫండ్స్ వ్యవస్థ అనేది మన సమాజంలో ఆర్థిక సహకారం’
KNR జిల్లా చిట్‌ఫండ్స్ అసోసియేషన్ ఆధ్వర్యంలో పొదుపు దినోత్సవం నిర్వహించారు. ‘ఈరోజు మనం పొదుపు దినోత్సవాన్ని జరుపుకుంటున్నాము. ఇది కేవలం ఒక ఆచార దినం కాదు. ఇది ప్రతి కుటుంబంలో ఆర్థిక శ్రద్ధ, భవిష్యత్‌ భద్రత, క్రమశిక్షణకు సంకేతం’ అని అధ్యక్షులు పెంట శ్రీనివాస్ అన్నారు. చిట్ ఫండ్స్ వ్యవస్థ అనేది మన సమాజంలో ఆర్థిక సహకారం అని పేర్కొన్నారు. కార్యక్రమంలో అసోసియేషన్ సభ్యులు ఉన్నారు.