News April 10, 2024
నితీశ్ కుమార్ రెడ్డి పేరెంట్స్‌ను చూశారా?
పంజాబ్‌తో మ్యాచ్‌లో SRH గెలుపులో కీలకపాత్ర పోషించిన తెలుగు తేజం నితీశ్ కుమార్ రెడ్డిపై ప్రశంసలు వెల్లువెత్తుతున్నాయి. దీంతో అతని తల్లిదండ్రుల సంతోషానికి అవధులు లేకుండా పోయాయి. మేనేజ్మెంట్ నమ్మి బ్యాటింగ్‌కు పంపిస్తే ఆ నమ్మకాన్ని వమ్ముచేయకుండా తనసత్తా ఏంటో చూపించారంటూ నెటిజన్లు అభినందిస్తున్నారు. ఈక్రమంలో తన తండ్రి నితీశ్‌కు ముద్దుపెట్టి మురిసిపోయిన ఫొటోను షేర్ చేస్తున్నారు.
Similar News
News November 15, 2024
GREAT: ఒక్కడే 8 గవర్నమెంట్ జాబ్స్ కొట్టాడు!
ఈరోజుల్లో ఒక ప్రభుత్వ ఉద్యోగం రావడమే కష్టం. అలాంటిది 8 సర్కారు కొలువులతో సత్తాచాటారు WGL (D) నల్లబెల్లికి చెందిన రాయరాకుల రాజేశ్. కోచింగ్‌ లేకుండానే ప.సెక్రటరీ, PGT గురుకుల, ASO, TGT గురుకుల, హాస్టల్ వెల్ఫేర్ గ్రేడ్-2, గ్రూప్-4, DSC, JL ఉద్యోగాలు సాధించి ప్రస్తుతం మల్లంపల్లిలో PGT(SOCIAL)గా పనిచేస్తున్నారు. అన్న స్ఫూర్తిగా తమ్ముడు సంతోష్ కూడా గ్రూప్-4 సాధించి, గ్రూప్-1 ప్రిలిమ్స్ క్వాలిఫై అయ్యారు.
News November 15, 2024
కులగణన సర్వే 30% పూర్తి: మంత్రి పొన్నం
TG: కులగణన సర్వే 30% పూర్తయినట్లు మంత్రి పొన్నం ప్రభాకర్ వెల్లడించారు. సికింద్రాబాద్ కంటోన్మెంట్‌లో స్పోర్ట్స్ కాంప్లెక్స్ ఏర్పాటు కోసం స్థలాన్ని పరిశీలించిన అనంతరం ఆయన మాట్లాడారు. కులగణన సర్వే ఎవరికీ వ్యతిరేకం కాదని, సర్వేలో బ్యాంక్ అకౌంట్ డీటెయిల్స్ అడగట్లేదని చెప్పారు. కులం వివరాలు చెప్పడం ఇష్టం లేకపోతే 999 ఆప్షన్ ఉంటుందని తెలిపారు. ఎన్యూమరేటర్లను ఇబ్బంది పెడితే కఠిన చర్యలు తీసుకుంటామన్నారు.
News November 15, 2024
శాసనమండలిలో రగడ.. మంత్రి ఆగ్రహం
AP: మెడికల్ కాలేజీలపై చర్చ సందర్భంగా శాసనమండలిలో రగడ జరిగింది. కాలేజీల నిర్మాణం, సీట్ల కేటాయింపుపై ప్రభుత్వ విధానం చెప్పాలని YCP ఎమ్మెల్సీలు నినదించారు. దీనిపై మంత్రి సత్యకుమార్ ఆగ్రహం వ్యక్తం చేశారు. YCP ప్రభుత్వ హయాంలో ప్రచారం చేశారే తప్ప కాలేజీలు కట్టలేదని మండిపడ్డారు. 26జిల్లాల్లో కాలేజీల పేరుతో ప్రభుత్వ స్థలాలను ఆక్రమించి పార్టీ ఆఫీసులు కట్టారని ఆరోపించారు. అనంతరం YCP సభ్యులు వాకౌట్ చేశారు.