News November 2, 2025
మిడ్జిల్: ‘వేధింపుల కేసులో నిందితుడిని కఠినంగా శిక్షించాలి’
మిడ్జిల్ మండలం వెలుగొమ్ముల గ్రామ కార్యదర్శి రాజశ్రీ ఆత్మహత్య కేసులో జూనియర్ అసిస్టెంట్ శ్రావణ్‌ను రిమాండ్‌కు పంపినట్టు సీఐ కమలాకర్ తెలిపారు. శ్రావణ్ లైంగిక వేధింపుల కారణంగానే తన కూతురు ఆత్మహత్యకు పాల్పడిందని మృతురాలి తండ్రి కృష్ణయ్య ఫిర్యాదు మేరకు కేసు నమోదు చేశారు. తన కూతురిలా మరో ఆడబిడ్డకు అన్యాయం జరగకుండా, నిందితుడు శ్రావణ్‌ను కఠినంగా శిక్షించాలని ఆయన పోలీసులకు విన్నవించుకున్నారు.
Similar News
News November 3, 2025
సిద్దిపేట: రోడ్డు ప్రమాదంపై మంత్రి పొన్నం దిగ్బ్రాంతి
రంగారెడ్డి జిల్లా చేవెళ్ల మండలం మీర్జాపూర్ గేటు వద్ద ఆర్టీసి బస్సు ఘోర రోడ్డు ప్రమాదంపై మంత్రి పొన్నం ప్రభాకర్ తీవ్ర దిగ్బ్రాంతి వ్యక్తం చేశారు. ఘటనకు గల కారణాలపై ఆర్టీసీ ఎండీ నాగిరెడ్డితో అడిగి తెలుసుకున్నారు. నాణ్యమైన వైద్యం అందించేలా చర్యలు తీసుకోవాలని రంగారెడ్డి జిల్లా కలెక్టర్‌తో ఫోన్‌లో మాట్లాడారు. కంకర లోడ్‌తో ఉన్న టిప్పర్ రాంగ్ రూట్లో వచ్చి బస్సును ఢీకొట్టినట్టు అధికారులు తెలిపారన్నారు.
News November 3, 2025
పల్నాడులో అమరావతి ORR భూసేకరణకు నోటిఫికేషన్
అమరావతి ఔటర్ రింగ్ రోడ్డు ప్రాజెక్టులో పల్నాడు జిల్లాకు సంబంధించి కేంద్ర రవాణా, రహదారుల మంత్రిత్వ శాఖ గెజిట్ నోటిఫికేషన్ జారీ చేసింది. ఇందులో మొత్తం 478.38 హెక్టార్ల భూమిని సేకరించనున్నారు. అమరావతి తాలూకాలోని లింగాపురం, ధరణికోట గ్రామాల్లో భూమిని సేకరిస్తారు. పెదకూరపాడు తాలూకాలోని ముస్సపురం, పాటిబండ్ల, జలాలపురం, కంభం పాడు, తల్లూరు, లింగంగుంట్ల, బలుసుపాడు గ్రామాల్లో భూసేకరణ జరగనుంది.
News November 3, 2025
మీర్జాగూడ ప్రమాదం.. కంట్రోల్ రూమ్ ఏర్పాటు
TG: మీర్జాగూడ<<18183462>> ప్రమాదంలో<<>> మృతులంతా చేవెళ్ల వాసులేనని తెలుస్తోంది. నిన్న ఆదివారం సెలవు దినం కావడంతో ఇంటికి వెళ్లి తిరిగి హైదరాబాద్ వస్తున్నట్లు సమాచారం. మరణించిన వారిలో ఎక్కువ మంది ఉద్యోగులే ఉన్నారు. మృతదేహాలను చేవెళ్ల ప్రభుత్వ ఆసుపత్రికి తరలించారు. మరోవైపు సహాయక చర్యల పర్యవేక్షణకు సెక్రటేరియట్‌లో కంట్రోల్ రూమ్ ఏర్పాటు చేశారు. కాంటాక్ట్ నం: 9912919545, 9440854433.