News November 3, 2025
KNR: ప్రమాదాల కేంద్రంగా రోడ్లు.. హెవీ లోడ్స్‌తో చిద్రం
గ్రానైట్, ఇసుక రవాణాకు కేంద్రంగా ఉన్న ఉమ్మడి కరీంనగర్ జిల్లాలో హెవీ లోడ్ వాహనాలు నిత్యం వందలాదిగా తిరుగుతున్నాయి. ఇసుక, గ్రానైట్ లోడ్‌లతో రోడ్లు చిద్రమై వాహనదారులకు ప్రయాణం నరకంగా మారింది. మంథని-పెద్దపల్లి, కరీంనగర్ నుంచి చల్లూర్, WGL. JGTL, సిరిసిల్ల, హుస్నాబాద్ మార్గాల్లో పరిస్థితి దారుణం. ప్రమాదాల నియంత్రణకు అధికారులు తక్షణ చర్యలు తీసుకోకుంటే, రంగారెడ్డి ఘటనలు ఇక్కడ పునరావృతమయ్యే ప్రమాదం ఉంది.
Similar News
News November 4, 2025
ఆదిలాబాద్: ప్రొవిజినల్ జాబితా విడుదల
ఆదిలాబాద్ జిల్లా వైద్యారోగ్య శాఖలో నియామకం కోసం సపోర్టు ఇంజనీరు ఉద్యోగానికి దరఖాస్తులు చేసుకున్న అభ్యర్థుల ప్రొవిజనల్ జాబితాను విడుదల చేసినట్లు డీఎంహెచ్ఓ డాక్టర్ నరేందర్ రాథోడ్ తెలిపారు. జాబితాను జిల్లా కార్యాలయ నోటీసు బోర్డుతో పాటు అధికారిక వెబ్ సైట్ లో అందుబాటులో ఉంచామన్నారు. జాబితాలో ఏమైనా సవరణలు, మార్పులు చేయాల్సి ఉన్నట్లయితే ఈ నెల 10 వరకు సంబంధిత సర్టిఫికెట్లతో కార్యాలయంలో సంప్రదించాలన్నారు.
News November 4, 2025
ధాన్యం సేకరణ, సంక్షేమంపై ప్రత్యేక దృష్టి పెట్టండి: కలెక్టర్
మండల ప్రత్యేక అధికారులు తమ ప్రాంతాలలో సుడిగాలి పర్యటనలు చేస్తూ అభివృద్ధి, సంక్షేమ కార్యక్రమాల అమలును నిశితంగా పర్యవేక్షించాలని జిల్లా కలెక్టర్ ఇలా త్రిపాఠి ఆదేశించారు. ధాన్యం సేకరణ ప్రక్రియతో పాటు రెసిడెన్షియల్ పాఠశాలలు, కేజీబీవీ (KGBV) వంటి విద్యాసంస్థలపై ప్రత్యేక శ్రద్ధ పెట్టాలని ఆమె సమీక్షలో అధికారులకు సూచించారు.
News November 4, 2025
చిన్నారి వైష్ణవి హత్యకేసులో హైకోర్టు కీలక తీర్పు
AP: 2010 జనవరి 30న VJAలో అపహరణ, హత్యకు గురైన చిన్నారి వైష్ణవి కేసులో శిక్ష రద్దు చేయాలన్న నిందితుల పిటిషన్లను హైకోర్టు కొట్టేసింది. మోర్ల శ్రీనివాసరావు, యంపరాల జగదీశ్‌కు ట్రైల్ కోర్టు విధించిన జీవిత ఖైదును హైకోర్టు సమర్థించింది. మరో నిందితుడు వెంకట్రావును నిర్దోషిగా ప్రకటించి, శిక్ష రద్దు చేసింది. వైష్ణవిని కిడ్నాప్ చేసి హత్య చేశారు. తర్వాత GNT శారదా ఇండస్ట్రీస్‌లోని బాయిలర్‌లో వేసి బూడిద చేశారు.