News November 3, 2025
NRPT: ‘డయల్‌ యువర్ ఎస్పీ’కి విశేష స్పందన
ఎస్పీ కార్యాలయంలో సోమవారం నిర్వహించిన ‘డయల్‌ యువర్ ఎస్పీ’ కార్యక్రమానికి విశేష స్పందన లభించిందని ఎస్పీ వినీత్ తెలిపారు. ప్రజలు నేరుగా ఫోన్‌ ద్వారా ఫిర్యాదులు, సలహాలు అందించారని చెప్పారు. మొత్తం 17 ఫిర్యాదులు వచ్చాయని, వీటిలో ఎక్కువగా భూ తగాదాలు, రాత్రి పెట్రోలింగ్, ట్రాఫిక్ సమస్యలు, గంజాయి నిర్మూలనకు సంబంధించినవి ఉన్నట్లు ఆయన వివరించారు.
Similar News
News November 4, 2025
రేపు కందికొండ లక్ష్మీనరసింహస్వామి జాతర ప్రారంభం
మహబూబాబాద్ జిల్లా కురవి మండలం కందికొండ జాతర బుధవారం ప్రారంభం కానుంది. రెండు శతాబ్దాల చరిత్ర కలిగిన ఈ ప్రకృతి ఆలయంలో ఏటా కార్తీక పౌర్ణమి రోజున వెంకటేశ్వర స్వామి, లక్ష్మీనరసింహస్వామి జాతర వైభవోపేతంగా నిర్వహిస్తారు. కందగిరి గుట్టపై తొలుత ఉన్న వెంకటేశ్వర స్వామి ఆలయంలో, ఆపైన కొండ శిఖరంపై ఉన్న నరసింహ స్వామి ఆలయంలో భక్తులు విశేష పూజలు చేస్తారు.
News November 4, 2025
జన్నారం: లారీ-బైక్ ఢీ.. ఒకరి స్పాట్ డెడ్
జన్నారం మండలంలో మంగళవారం ఉదయం రోడ్డు ప్రమాదం జరిగింది. ఈ ఘటనలో ఒకరు మృతి చెందాగా, మరొకరికి తీవ్ర గాయాలయ్యాయి. స్థానికుల వివరాల ప్రకారం.. చింతగూడ-మహమ్మదాబాద్ గ్రామాల మధ్య లారీ-బైక్ ఢీకొన్నాయి. బైక్‌పై ఉన్న వ్యక్తి అక్కడికక్కడే మృతి చెందాడు. మరొకరు తీవ్రంగా గాయపడగా అతన్ని 108 అంబులెన్స్‌లో ఆస్పత్రికి తరలించారు. మరిన్ని వివరాలు తెలియాల్సి ఉంది.
News November 4, 2025
రూ.1.32 కోట్ల నిధుల హాంఫట్.. సర్పంచ్‌ను పదవి నుంచి తొలగించిన కలెక్టర్
రూ.1.32 కోట్ల నిధులు దుర్వినియోగం చేసినట్లు నిర్ధారణ అయినందున కలెక్టర్ DK బాలాజీ గన్నవరం సర్పంచ్ నిడమర్తి సౌజన్యను పదవి నుంచి తొలగించారు. జిల్లా పంచాయితీ అధికారి ఇచ్చిన రిపోర్ట్ ప్రకారం కలెక్టర్ ఆమెను సోమవారం తొలగించారు. విలేజ్ సెక్రటరీతో కలసి నిధులు దుర్వినియోగం చేసినట్లు నిర్ధారణ కాగా..చెరో రూ.66.05 లక్షలు 9 నెలల్లోపు చెల్లించాలని నోటీసులివ్వగా వారు చెల్లించకపోవడంతో కలెక్టర్ ఆమెను తొలగించారు.