News April 11, 2024
విశాఖలో గన్‌తో కాల్చుకుని కానిస్టేబుల్ సూసైడ్
విశాఖ ద్వారకానగర్ పోలీస్ స్టేషన్ పరిధిలో SPF కానిస్టేబుల్ ఆత్మహత్య చేసుకున్న ఘటన గురువారం ఉదయం వెలుగులోకి వచ్చింది. కానిస్టేబుల్ శంకర్రావు గన్‌తో కాల్చుకొని ఆత్మహత్య చేసుకున్నారు. ఉ. 5 గంటలకు డ్యూటీ‌కి హాజరైన శంకర్రావు.. తన వద్ద ఉన్న SLRతో కాల్చుకొని ఆత్మహత్య చేసుకున్నాడు. ఐఓబి బ్యాంకులో గన్ మ్యా‌న్‌గా విధులు నిర్వహిస్తున్న ఆయనకు భార్య, ఇద్దరు పిల్లలున్నారు. ఘటనపై పూర్తి వివరాలు తెలియాల్సి ఉంది.
Similar News
News October 5, 2025
విశాఖలో ప్రభుత్వ కార్యాలయాల్లో రేపు పీజీఆర్‌ఎస్
విశాఖ కలెక్టరేట్‌లో 6వ తేదీ (సోమవారం) ప్రజా సమస్యల పరిష్కార వేదిక నిర్వహిస్తున్నట్లు కలెక్టర్ హరేంధిర ప్రసాద్ తెలిపారు. సోమవారం ఉదయం 11 గంటల నుంచి అర్జీలు స్వీకరిస్తామన్నారు. అదే విధంగా సీపీ, జీవీఎంసీ ప్రధాన, జోనల్ కార్యాలయాల్లో కూడా ఉదయం 11 నుంచి మధ్యాహ్నం ఒంటిగంట వరకు వినతులు స్వీకరిస్తారు. ఈ అవకాశాన్ని ప్రజలు సద్వినియోగం చేసుకోవాలని అధికారులు కోరారు.
News October 5, 2025
విశాఖలో స్ట్రీట్ వెండింగ్ జోన్లు ఏర్పాటయ్యే ప్రాంతాలివే(1/1)
జీవీఎంసీ పరిధిలో 649 <<17922542>>దుకాణాల ఏర్పాటుకు<<>> స్థలాలను అధికారులు గుర్తించారు. భీమిలి గంటస్థంభం-32 దుకాణాలు, తగరపువలస మీసేవా రోడ్డులో 86, ఎండాడ RRR సెంటర్‌-66, ఆరిలోవ శ్రీకాంత్‌నగర్‌లో 58, ఏయూ నార్త్‌ క్యాంపస్‌ మద్దిలపాలెం వద్ద 9, శివాజీ పార్క్‌ సర్వీస్‌ రోడ్డులో 13, LIC బిల్డింగ్‌-17, జీవీఎంసీ ఆఫీస్ నుంచి RTC కాంప్లెక్స్‌ రోడ్డులో 13, NAD జంక్షన్‌ నుంచి పాత కరాస రోడ్డులో 34 దుకాణాలు ఏర్పాటు చేయనున్నారు.
News October 5, 2025
విశాఖలో స్ట్రీట్ వెండింగ్ జోన్లు ఏర్పాటయ్యే ప్రాంతాలివే(1/2)
మల్కాపురం గాంధీనగర్‌ మార్కెట్‌లో 100, 104 ఏరియాలో 60, ఊర్వశి జంక్షన్‌ నుంచి కంచరపాలెం మెట్టు రోడ్డులో 14, జింక్‌ గేటు జంక్షన్‌ వద్ద 29, దువ్వాడ ఫ్లైఓవర్‌ కింద 24, ఎన్‌ఏడీ జంక్షన్‌లో 10, బాజి జంక్షన్‌లో 5, గోశాల జంక్షన్‌లో 10, అడవివరం జంక్షన్‌లో 10, వేపగుంట జంక్షన్‌లో 15, పెందుర్తిలో 30, నరసింహనగర్‌లో 14 <<17922709>>దుకాణాలు ఏర్పాటు<<>> చేయనున్నారు.