News November 10, 2025
నిర్మల్ వాసికి ఐరన్ మ్యాన్ టైటిల్
నిర్మల్ పట్టణానికి చెందిన వైద్యుడు డా. బీఎల్ నరసింహారెడ్డి అరుదైన ఘనత సాధించారు. గోవాలో నిర్వహించిన అంతర్జాతీయ పోటీలో 64 దేశాల అభ్యర్థులతో పోటీ పడి ఐరన్ మ్యాన్ టైటిల్‌ను గెలుచుకున్నారు. 2 కి.మీ. ఈత, 21 కి.మీ. పరుగు, 90 కి.మీ. సైక్లింగ్‌తో కూడిన ఈ పోటీలో ఆయన విజేతగా నిలిచారు. దాదాపు ఆరు నెలల నిరంతర శ్రమతోనే ఇది సాధ్యమైందని ఆయన తెలిపారు. పలువురు పట్టణ ప్రజలు నరసింహారెడ్డిని అభినందించారు.
Similar News
News November 10, 2025
వేములవాడ: రాజన్న కళ్యాణం.. అరకొర టికెట్లతో నిరాశలో భక్తులు
వేములవాడ రాజన్న నిత్యకళ్యాణం టికెట్ల విషయంలో భక్తులు నిరాశకు లోనవుతున్నారు. గతంలో విశాల కళాభవనంలో భక్తులు నిత్యకళ్యాణం మొక్కులు చెల్లించేవారు. ఆలయ విస్తరణ నేపథ్యంలో భీమేశ్వరాలయం ఎదురుగా ఉన్న నిత్యఅన్నదాన సత్రం పైఅంతస్తులో ఈ క్రతువును జరిపిస్తున్నారు. గతంలో 150 జంటలకు టికెట్లు ఇచ్చేవారు. ప్రస్తుతం దానిని 90కి తగ్గించేశారు. టికెట్లు తీసుకునే సమయంలో ఇక్కడ తోపులాట సైతం జరుగుతుందని పలువురు పేర్కొన్నారు.
News November 10, 2025
రీఓపెన్ దరఖాస్తులను వేగంగా పరిష్కరించండి: కలెక్టర్
ప్రజా సమస్యల పరిష్కార వేదికలో రీఓపెన్ అయిన దరఖాస్తులను వేగవంతంగా పరిష్కరించాలని కలెక్టర్ రాజకుమారి అధికారులను ఆదేశించారు. సోమవారం కలెక్టరేట్‌లోని పీజీఆర్ఎస్ హాలులో ప్రజా సమస్యల వేదిక నిర్వహించారు. జిల్లా నలుమూలల నుంచి వచ్చిన ప్రజల నుంచి 192 విజ్ఞప్తులను స్వీకరించినట్లు తెలిపారు. రీ ఓపెన్ దరఖాస్తులపై ప్రత్యేక దృష్టి సారించి సమయానుకూలంగా చర్యలు తీసుకోవాలని సంబంధిత అధికారులకు ఆదేశించారు.
News November 10, 2025
NGKL: ప్రజావాణి దరఖాస్తులను తక్షణమే పరిష్కరించాలి: కలెక్టర్
NGKL కలెక్టరేట్‌లో సోమవారం నిర్వహించిన ప్రజావాణిలో 51 దరఖాస్తులు వచ్చాయి. వీటిని పెండింగ్‌లో పెట్టకుండా, వెంటనే పరిశీలించి సత్వరమే పరిష్కరించాలని కలెక్టర్ బధావత్ సంతోష్ అధికారులను ఆదేశించారు. సమస్యలు పరిష్కారం అవుతాయనే ఉద్దేశంతోనే ప్రజలు ఫిర్యాదు చేస్తున్నారని, అందుకే అన్ని శాఖల అధికారులు వాటిపై దృష్టి సారించాలని ఆయన సూచించారు.