News November 11, 2025
SAతో వన్డే సిరీస్‌కు అయ్యర్ దూరం?
నవంబర్ 30 నుంచి ప్రారంభంకానున్న SA ODI సిరీస్‌కు శ్రేయస్ అయ్యర్ దూరమయ్యే అవకాశం కనిపిస్తోంది. ‘అతను పూర్తిగా కోలుకుని సెలక్షన్‌కు అందుబాటులోకి రావడానికి సమయం పడుతుంది. గాయమైనప్పుడు 10 నిమిషాలు అయ్యర్ ఆక్సిజన్ లెవల్స్ 50కి పడిపోయాయి. కంప్లీట్ బ్లాకౌట్ అయ్యాడు’ అని BCCI సోర్సెస్ చెప్పినట్లు ‘ఇండియన్ ఎక్స్‌ప్రెస్’ పేర్కొంది. అతనికి కాస్త విశ్రాంతి ఇవ్వాలని బోర్డు భావిస్తున్నట్లు తెలిపింది.
Similar News
News November 11, 2025
ఢిల్లీ పేలుడు.. రూ.10 లక్షల పరిహారం
ఢిల్లీలో జరిగిన పేలుడులో మరణించిన వారి కుటుంబాలకు రూ.10 లక్షల చొప్పున పరిహారం ఇస్తామని సీఎం రేఖా గుప్తా ప్రకటించారు. శాశ్వతంగా వికలాంగులైన వారికి రూ.5 లక్షలు, తీవ్రంగా గాయపడిన వారికి రూ.2 లక్షలు అందిస్తామన్నారు. గాయపడిన వారికి నాణ్యమైన చికిత్సను అందిస్తామని చెప్పారు. ఢిల్లీ శాంతిభద్రతలు తమ బాధ్యత అని పేర్కొన్నారు.
News November 11, 2025
EXIT POLLS: బిహార్‌లో NDAకే పట్టం!
ఓట్ చోరీ సహ అనేక ప్రభుత్వ వ్యతిరేకాంశాలను ప్రచారం చేసినా బిహార్ ప్రజలు ఎన్నికల్లో అధికార NDA కూటమికే పట్టం కడుతున్నట్లు ఎగ్జిట్ పోల్ సర్వేలు తేలుస్తున్నాయి. దైనిక్ భాస్కర్ నిర్వహించిన సర్వేలో NDAకి 145-160 సీట్లు, MGBకి 73-91 సీట్లు వస్తాయని అంచనా వేసింది. JVC-టైమ్స్ నౌ NDAకి 135-150, MGBకి 88-103 సీట్లు వస్తాయని తెలిపింది. మ్యాట్రిజ్-IANS NDAకి 147-167, MGBకి 70-90 సీట్లు దక్కుతాయని పేర్కొంది.
News November 11, 2025
₹12.92 ట్రిలియన్లకు పెరిగిన ప్రత్యక్ష పన్నుల ఆదాయం
కేంద్ర ప్రత్యక్ష పన్నుల ఆదాయం గతంతో పోలిస్తే 7% పెరిగి ₹12.92 ట్రిలియన్లకు చేరింది. APR 1-NOV 10 వరకు వచ్చిన ఆదాయ వివరాలను ప్రభుత్వం వెల్లడించింది. గత ఏడాది ఇదే కాలానికి ₹12.08 ట్రిలియన్లు వచ్చాయి. రిఫండ్‌లు గత ఏడాది కన్నా 18% తగ్గి ₹2.42 ట్రిలియన్లుగా ఉన్నాయి. FY 2025-26కి ₹25.20 ట్రిలియన్ల డైరెక్ట్ ట్యాక్స్ ఆదాయాన్ని ప్రభుత్వం లక్ష్యంగా పెట్టుకుంది. గత ఏడాది ఆదాయం కన్నా ఇది 12.7% అధికం.