News November 11, 2025
త్వరలో ఆర్డీటీకి శుభావార్త!
గ్రామీణ పేదల ఆశాదీపం ఆర్డీటీ సంస్థకు మళ్లీ విదేశీ నిధులు అందనున్నాయి. నాలుగేళ్లుగా నిలిచిపోయిన FCRA లైసెన్సు రెన్యువల్ ప్రక్రియ దాదాపు పూర్తయినట్లు సమాచారం. త్వరలోనే దీనిపై కేంద్రం నుంచి ఉత్తర్వులు వెలువడే అవకాశం ఉంది. FCRA రెన్యవల్ విషయమై సీఎం చంద్రబాబు, మంత్రి లోకేశ్ హోం మంత్రి అమిత్ షాతో పలుమార్లు చర్చించారు. జిల్లా ఎమ్మెల్యేలు సైతం అమిత్ షాను కలిసి ప్రక్రియ వేగవంతం చేయాలని కోరారు.
Similar News
News November 11, 2025
మహిళా ఐఏఎస్‌కు గృహ హింస వేధింపులు
సామాన్య మహిళలకే కాదు చట్టాలను రూపొందించే స్థానంలో ఉన్న ఉమెన్ బ్యూరోక్రాట్లకు గృహ హింస తప్పట్లేదు. IAS ఆఫీసర్ అయిన తనభర్త ఆశిష్ శారీరకంగా, మానసికంగా వేధిస్తున్నారంటూ IAS భారతి పోలీసులను ఆశ్రయించారు. ఈ ఘటన రాజస్థాన్ జైపూర్‌లో జరిగింది. పోలీసులు FIR నమోదు చేసి దర్యాప్తు చేస్తున్నారు. ఆశిష్ సామాజిక న్యాయం విభాగంలో డైరెక్టర్ కాగా, భారతి ఆర్థిక శాఖలో జాయింట్ సెక్రటరీగా విధులు నిర్వహిస్తున్నారు.
News November 11, 2025
తూ.గో: హోం స్టే పెడితే రూ.5లక్షలు
తూ.గో జిల్లాలోని గిరిజన ప్రాంతాల్లో కనీసం ఓ గది నుంచి గరిష్ఠంగా 6గదులతో హోం స్టే ఏర్పాటు చేసుకోవచ్చని కలెక్టర్ కీర్తి చేకూరి తెలిపారు. ‘కొత్తగా పెట్టేవారికి స్వదేశ దర్శన్ పథకం కింద రూ.5 లక్షల ప్రోత్సాహకం ఇస్తాం. పాత హోమ్ స్టే పునరుద్ధరణకు రూ.3లక్షల వరకు సాయం చేస్తాం. 7ఏళ్లు 100 శాతం SGST తిరిగి చెల్లిస్తాం. మొదటి మూడేళ్లు రిజిస్ట్రేషన్ ఉచితం. యజమాని అదే ఏరియాలో ఉండాలి’ అని కలెక్టర్ చెప్పారు.
News November 11, 2025
‘మనోబంధు’కు సహకరిస్తాం: SP
మనోబంధు కార్యక్రమానికి పోలీస్ యంత్రాంగం సహకరిస్తుందని ఎస్పీ ఉమామహేశ్వర్ చెప్పారు. మంగళవారం జిల్లా పోలీస్ కార్యాలయంలో మనోబంధు కార్యక్రమం నిర్వహణ కరపత్రాలను ఆవిష్కరించారు. స్వచ్ఛంద సంస్థలు ఈ కార్యక్రమానికి ముందుకు రావడం అభినందనీయమన్నారు. మానసిక రుగ్మతలతో బాధపడుతూ వీధుల్లో సంచరిస్తున్న వారికి వైద్యం అందించి కుటుంబీకుల చెంతకు చేర్చడం జరుగుతుందన్నారు.