News November 11, 2025
GDK: ‘బలహీనత కాదు.. మానసిక ధైర్యానికి సంకేతం’
తమ సమస్యలను నమ్మకంగా పంచుకోవడం, అవసరమైతే సహాయం కోరడం అనేది బలహీనత కాదని, అది మానసిక ధైర్యానికి సంకేతమని రామగుండం సీపీ అంబర్‌ కిషోర్‌ అన్నారు. రామగుండం కమిషనరేట్‌లో ప్రత్యేక వైద్య నిపుణుల సహాయంతో పోలీసులకు మంగళవారం అవగాహన నిర్వహించారు. పోలీసు సిబ్బందికి వ్యక్తిగత భద్రత, స్వీయ క్రమశిక్షణ, ప్రవర్తనా నియమావళిపై ఈ అవగాహన కార్యక్రమం కొనసాగింది.
Similar News
News November 11, 2025
జూబ్లీహిల్స్‌లో BRS గెలుపు: మిషన్ చాణక్య ఎగ్జిట్ పోల్
TG: జూబ్లీహిల్స్ నియోజకవర్గంలో BRS పార్టీ గెలుస్తుందని ‘మిషన్ చాణక్య’ ఎగ్జిట్ పోల్ వెల్లడించింది. BRSకు 41.60%, కాంగ్రెస్‌కు 39.43%, BJPకి 18.97% ఓటు షేర్ వస్తుందని పేర్కొంది. షేక్‌పేట్, బోరబండ, ఎర్రగడ్డ, వెంగళరావు నగర్, సోమాజిగూడ డివిజన్లలో BRSకు, యూసుఫ్‌గూడ, రహమత్ నగర్ డివిజన్లలో కాంగ్రెస్ పార్టీకి ఆధిక్యం వస్తుందని తెలిపింది.
News November 11, 2025
గద్వాల: ‘పాఠశాలలను శుభ్రంగా ఉంచడం అందరి బాధ్యత’
పాఠశాలలను శుభ్రంగా, సురక్షితంగా, బాలికలకు అనుకూలంగా తీర్చిదిద్దడం అందరి బాధ్యత అని జిల్లా అదనపు కలెక్టర్ బి. నర్సింగ రావు పేర్కొన్నారు. మంగళవారం గద్వాల జిల్లా కేంద్రంలోని వజ్ర ఫంక్షన్ హాల్‌లో డీఆర్‌డీఏ, యూనిసెఫ్ సంయుక్త ఆధ్వర్యంలో కిశోర బాలికల సమస్యలు, పాఠశాలల్లో వాష్ (WASH – Water, Sanitation & Hygiene) అంశాలపై ఏర్పాటు చేసిన అవగాహన సమావేశంలో ఆయన పాల్గొని మాట్లాడారు.
News November 11, 2025
నటి సాలీ కిర్క్‌ల్యాండ్ కన్నుమూత
ప్రముఖ హాలీవుడ్ నటి సాలీ కిర్క్‌ల్యాండ్(84) కన్నుమూశారు. డిమెన్షియాతో బాధపడుతున్న ఆమె పలుమార్లు కింద పడటంతోపాటు ప్రాణాంతక ఇన్ఫెక్షన్ల కారణంగా చికిత్స పొందుతూ చనిపోయారు. 1987లో Anna చిత్రానికి గాను ఉత్తమ నటిగా ఆమె ఆస్కార్‌కు నామినేట్ అయ్యారు. 1968లో ఇండస్ట్రీలో అడుగుపెట్టిన సాలీ 200కు పైగా చిత్రాలు, టెలివిజన్ సిరీస్‌లలో నటించారు. గోల్డెన్ గ్లోబ్ సహా అనేక ప్రతిష్ఠాత్మక అవార్డులను సాధించారు.