News November 13, 2025
అనకాపల్లి జిల్లాలో రేపటి పరీక్షలు వాయిదా: డీఈవో
బాలల దినోత్సవం వేడుకలు నేపథ్యంలో పాఠశాలల్లో శుక్రవారం జరగాల్సిన SA-1 పరీక్షలను వాయిదా వేస్తున్నట్లు అనకాపల్లి DEO అప్పారావునాయుడు గురువారం ప్రకటించారు. పాఠశాలల్లో బాలల దినోత్సవ వేడుకలు ఘనంగా జరుపుకోవాలని సూచించారు. రేపు ప్రైమరీ తరగతులకు జరగాల్సిన EVS పరీక్ష ఈనెల 17న, 6-10తరగతులకు జరగాల్సిన ఫిజికల్ సైన్స్ పరీక్ష 20న పెట్టాలని సూచించారు. మిగతా పరీక్షలు యథావిథిగా జరుగుతాయన్నారు.
Similar News
News November 13, 2025
ఊట్కూర్: వే2న్యూస్ ఎఫెక్ట్.. PHC కూల్చివేతకు ఆదేశాలు
ఊట్కూర్ మండల కేంద్రంలో 40 ఏళ్ల క్రితం నిర్మించిన ప్రాథమిక ఆరోగ్య కేంద్రం శిథిలావస్థకు చేరుకుని నిరుపయోగంగా మారింది. ‘శిథిలావస్థగా PHC భవనం..’Way2News’ ఫోకస్! ‘ శీర్షికతో ఈ నెల 1న కథనం ప్రచురితమైంది. గురువారం కలెక్టర్ సిక్తా పట్నాయక్ ఆరోగ్య కేంద్రాన్ని సందర్శించి పాత భవన నాణ్యతను నిపుణులతో పరిశీలించి ధ్రువీకరించిన అనంతరం కూల్చివేయాలని వైద్యశాఖ అధికారులను ఆదేశించింది.
News November 13, 2025
హైదరాబాద్ మెట్రో: 4, 6 కోచ్‌లతో రైళ్లు!
TG: హైదరాబాద్ మెట్రోలో రద్దీ ఎక్కువగా ఉండే రూట్లలో 4, 6 కోచ్‌ల రైళ్లను ప్రవేశపెట్టాలని HMRL యోచిస్తోంది. ఇందుకోసం 40-60 కోచ్‌లను తీసుకురానున్నట్లు HMRL ఎండీ సర్ఫరాజ్ తెలిపారు. ప్రస్తుతం 3 మార్గాల్లో 3 కోచ్‌లతో 56 రైళ్లు తిరుగుతున్నాయని పేర్కొన్నారు. వీటిలో ఎలాంటి మార్పులు చేయకుండా కొత్తగా 4, 6 కోచ్‌లతో ట్రైన్లను తీసుకొస్తామని వివరించారు. ఇందుకు రెండేళ్లకు పైగా సమయం పట్టొచ్చని చెప్పారు.
News November 13, 2025
వైజాగ్‌కు మదర్‌సన్ ఐటీ కంపెనీ
మదర్‌సన్ టెక్నాలజీ సర్వీస్ లిమిటెడ్ (MTSL) కంపెనీ ₹109.73 కోట్ల పెట్టుబడితో వైజాగ్‌లో ఐటీ R&D, గ్లోబల్ కేపబిలిటీ సెంటర్ (GCC) ఏర్పాటుకు AP ప్రభుత్వం ఆమోదం తెలిపింది. మధురవాడ (కాపులుప్పాడ ఐటీ పార్క్)లో ఏర్పాటయ్యే ఈ ప్రాజెక్ట్ ద్వారా AI/ML, క్లౌడ్, సైబర్ సెక్యూరిటీ విభాగాల్లో 700 ఉద్యోగాలు వస్తాయి. AP IT & GCC పాలసీ 4.0 కింద G.O.MS.No. 61 (12-11-2025) జారీ చేసింది.