News November 16, 2025
ఖమ్మం: ‘క్యాంపెయిన్ 5.0’తో స్కూళ్లపై ఉన్నతాధికారుల దృష్టి
ప్రభుత్వ పాఠశాలలను బలోపేతం చేయాలనే లక్ష్యంతో విద్యాశాఖ ‘స్పెషల్ క్యాంపెయిన్ 5.0’ తనిఖీలను చేపట్టింది. ఉమ్మడి ఖమ్మం జిల్లాలో రేపటి నుంచి 22వ తేదీ వరకు ఉన్నతాధికారులు ముమ్మరంగా పర్యవేక్షించనున్నారు. పాఠశాలల్లో కనీస వసతులు, పరిశుభ్రత, విద్యార్థుల అభ్యసన సామర్థ్యాలపై అధికారులు ప్రధానంగా దృష్టి సారిస్తారు. ఈ పర్యవేక్షణకు ఖమ్మంకు శ్రీనివాసాచారి, కొత్తగూడెంకు వెంకటనర్సమ్మలు ఇన్చార్జ్‌లుగా వ్యవహరిస్తారు.
Similar News
News November 16, 2025
ICDS అనంతపురంలో ఉద్యోగాలు
ఏపీ: అనంతపురం జిల్లాలోని మహిళాభివృద్ధి& శిశు సంక్షేమశాఖ వన్ స్టాప్ సెంటర్‌ 4 కాంట్రాక్ట్ పోస్టులకు దరఖాస్తులు కోరుతోంది. సైకో-సోషల్ కౌన్సెలర్, మల్టీ పర్పస్ స్టాఫ్, సెక్యూరిటీ గార్డ్ పోస్టులు ఉన్నాయి. పోస్టును బట్టి సంబంధిత విభాగంలో డిగ్రీ/సైకాలజీ డిప్లొమా/న్యూరో సైన్స్, టెన్త్ అర్హతతో పాటు పని అనుభవం గల అభ్యర్థులు ఈ నెల 25వరకు అప్లై చేసుకోవచ్చు. వెబ్‌సైట్: https://ananthapuramu.ap.gov.in/
News November 16, 2025
చీర కట్టినప్పుడు పొడవుగా కనిపించాలంటే..
కాస్త ఎత్తు తక్కువగా ఉన్నవారు కొన్ని టిప్స్ పాటిస్తే చీర కట్టుకున్నప్పుడు పొడవుగా కనిపిస్తారు. మృదువైన సిల్కు ప్లెయిన్ చీర చిన్న అంచు ఉన్నది ఎంచుకోవాలి. పైట పొడవుగా ఉండి, చీర కింది అంచులు నేలకు తగిలేలా ఉండాలి. డీప్ నెక్ బ్లౌజ్‌కు ప్రాముఖ్యతనివ్వాలి. సింపుల్గా పొడవైన హారాలు బాగుంటాయి. పెద్ద పెద్ద బోర్డర్లున్న చీరలు, పెద్ద ప్రింట్స్ ఉన్నవి ఎంచుకోకూడదు. హైనెక్, క్లోజ్ నెక్‌కు దూరంగా ఉండాలి.
News November 16, 2025
ఆముదం పంటలో తీసుకోవాల్సిన జాగ్రత్తలు
ఆముదం సాగు చేసే రైతులు నవంబర్, డిసెంబర్ నెలల్లో ప్రత్యేక జాగ్రత్తలు తీసుకోవాలి. ఈ నెలల్లో తక్కువ ఉష్ణోగ్రతలు ఉంటాయి కావున 12 నుంచి 15 రోజులకు ఒకసారి నీటి తడులను ఇవ్వాలి. అలాగే రబీ ఆముదం పంటలో మొలక కుళ్లు వచ్చే అవకాశం ఉంది. ఒకవేళ ఈ తెగులును పంటలో గుర్తించినట్లయితే లీటరు నీటికి 3 గ్రాముల కాపర్ ఆక్సీక్లోరైడ్ లేదా మెటలాక్సిల్ 2.5 గ్రాములను కలిపి మొక్కల మొదళ్లు తడిచేలా పిచికారీ చేయాలి.