News November 19, 2025
GWL: గద్వాల ఖ్యాతి నిలిచేలా ప్రతిభ చాటాలి
జిల్లాస్థాయి యువజన ఉత్సవాల్లో ప్రథమ స్థానం సాధించిన కళాకారులు రాష్ట్రస్థాయి పోటీల్లో పాల్గొని గద్వాల జిల్లా ఖ్యాతిని నిలబెట్టాలని అడిషనల్ కలెక్టర్ నర్సింగరావు పేర్కొన్నారు. జిల్లా యువజన క్రీడల శాఖ ఆధ్వర్యంలో మంగళవారం బాలభవన్లో వివేకానంద జయంతిని పురస్కరించుకొని జిల్లాస్థాయి యువజన ఉత్సవాలు నిర్వహించారు. యువత అవకాశాన్ని సద్వినియోగం చేసుకోవాలన్నారు. వివేకానంద స్ఫూర్తితో గమ్యం చేరుకోవాలని అన్నారు.
Similar News
News March 14, 2026
BREAKING: కమర్షియల్ సిలిండర్ల డెలివరీ ప్రారంభం
దేశంలోని పలు రాష్ట్రాల్లో కమర్షియల్ సిలిండర్ల డెలివరీ పునరుద్ధరించినట్లు కేంద్రం ప్రకటించింది. గ్యాస్ సంక్షోభం నేపథ్యంలో ఇటీవల కమర్షియల్ సిలిండర్ల సరఫరా నిలిపివేసిన విషయం తెలిసిందే. అయితే LPG ఉత్పత్తిని పెంచామని, నేటి నుంచి కమర్షియల్ సిలిండర్ల డిస్ట్రిబ్యూషన్ కొనసాగుతుందని కేంద్ర పెట్రోలియం, గ్యాస్ మినిస్ట్రీ జాయింట్ సెక్రటరీ సుజాత శర్మ తెలిపారు. కాగా ఏయే రాష్ట్రాల్లో పంపిణీ ఉంటుందో వెల్లడించలేదు.
News March 14, 2026
గ్యాస్ బుకింగ్ మోసాల పట్ల అప్రమత్తంగా ఉండాలి: ఎస్పీ
గ్యాస్ సిలిండర్ బుకింగ్ పేరుతో జరుగుతున్న సరికొత్త సైబర్ మోసాల పట్ల ప్రజలు అప్రమత్తంగా ఉండాలని ఎస్పీ రాహుల్ మీనా హెచ్చరించారు. శనివారం ఆయన ఒక ప్రకటన విడుదల చేస్తూ.. వంటగ్యాస్ సరఫరాపై వచ్చే తప్పుడు సమాచారాన్ని నమ్మి మోసగాళ్ల ఉచ్చులో పడవద్దని సూచించారు. సైబర్ నేరగాళ్లు నిత్యం కొత్త పద్ధతులతో ప్రజలను వంచించే ప్రయత్నం చేస్తున్నారని, అపరిచిత లింకులను క్లిక్ చేయవద్దని ఆయన స్పష్టం చేశారు.
News March 14, 2026
తూ.గో: గ్యాస్ వినియోగదారులకు కలెక్టర్ సూచనలు
వినియోగదారుల అవసరాలకు అనుగుణంగా గ్యాస్ సరఫరా చేస్తున్నామని కలెక్టర్ కీర్తి చేకూరి శనివారం ఒక ప్రకటనలో తెలిపారు. జిల్లాలో గృహ అవసరాల వినియోగం, అత్యవసర సేవల కోసం ఎల్పీజీ గ్యాస్ సరఫరా నిరంతరాయంగా కొనసాగుతోందని కలెక్టర్ తెలిపారు. ఈ విషయంపై సంబంధిత ఆయిల్ మార్కెటింగ్ కంపెనీలు, గ్యాస్ పంపిణీదారులతో జిల్లా యంత్రాంగం నిరంతరం పర్యవేక్షణ జరుపుతున్నట్లు కలెక్టర్ పేర్కొన్నారు.