News November 19, 2025
ములుగు: పోలీసుల అదుపులో దేవ్ జీ..?
ఏపీ పోలీసుల అదుపులో మావోయిస్టు కీలక నేత ప్రధాన కార్యదర్శి తిప్పిరి తిరుపతి@దేవ్ జీ ఉన్నట్లు తెలుస్తోంది. మడవి హిడ్మా ఎన్కౌంటర్ తర్వాత వీరిని అదుపులోకి తీసుకున్నట్లు సమాచారం. నంబాల కేశవరావుకు సంబంధించిన సెక్యూరిటీతో పాటు మరి కొంత మంది కీలక నేతలను అదుపులోకి తీసుకున్నట్లు తెలుస్తోంది. పెద్ద ఎత్తున ఆయుధాలు స్వాధీనం చేసుకున్నట్లు వినవస్తుంది. రేపు వీరిని మీడియా ముందు ప్రవేశపెట్టనున్నట్లు సమాచారం.
Similar News
News March 27, 2026
కొత్తగూడెం రైల్వే డివిజన్ ఏర్పాటు చేయాలి
భద్రాచలం రోడ్ రైల్వే స్టేషన్ ఏర్పడి వందేళ్లు పూర్తవుతుంది. ఈ సందర్భంగా కొత్తగూడెం రైల్వే స్టేషన్ చారిత్రక నేపథ్యాన్ని కొనసాగించాలని ఎంపీ వద్దిరాజు రవిచంద్ర శుక్రవారం పార్లమెంట్ ఆవరణలో రైల్వే మంత్రి అశ్విని వైష్ణవ్కు విన్నవించారు. మంత్రికి వినతిపత్రం అందజేసి కొత్తగూడెం కేంద్రంగా కొత్త రైల్వే డివిజన్ నెలకొల్పాలని వినతి పత్రం ఇచ్చారు. బీఆర్ఎస్ పార్లమెంటరీ పార్టీ నేత సురేష్ రెడ్డి ఉన్నారు.
News March 27, 2026
కేసీఆర్ యాదాద్రి అభివృద్ధి.. రేవంత్ భద్రాద్రిపై ఫోకస్
పదేళ్ల పాలనలో యాదాద్రి అభివృద్ధికి ప్రాధాన్యం ఇచ్చిన మాజీ సీఎం కేసీఆర్, భద్రాచలం విషయంలో నిర్లక్ష్యం వహించారనే విమర్శలు ఉన్నాయి. ఈ నేపథ్యంలో సీఎం రేవంత్ రెడ్డి భద్రాద్రిపై ప్రత్యేక దృష్టి సారించి నేడు శ్రీరామనవమి సందర్భంగా అభివృద్ధి పనులకు శంకుస్థాపన చేశారు. తొలి దశలో రూ.351 కోట్లు విడుదల చేసి గోదావరి కరకట్ట, భక్తులకు వసతులు, ఆలయ విస్తరణ వంటి పనులు చేపట్టనున్నారు.
News March 27, 2026
ఒంటిమిట్ట కళ్యాణానికి తలంబ్రాలు సిద్ధం
ఒంటిమిట్టలోని శ్రీకోదండరామస్వామి ఆలయంలో ఏప్రిల్ ఒకటో తేదీ సీతారాముల కళ్యాణం జరగనుంది. ఈ మేరకు టీటీడీ అధికారులు ఏర్పాట్లు చేస్తున్నారు. కళ్యాణోత్సవానికి అవసరమైన తలంబ్రాల తయారీ ప్రారంభమైంది. సుమారు 1.60 లక్షల ప్యాకెట్ల తలంబ్రాలు సిద్ధం చేస్తున్నారు. కడప, అన్నమయ్య జిల్లాల నుంచి వచ్చిన 600 మంది శ్రీవారి సేవకులు ఇందులో పాల్గొంటున్నారు.