News November 17, 2025

తిరుపతి ప్రజా ఫిర్యాదుల వేదికకు 29 వినతులు

తిరుపతి నగరపాలక సంస్థలో సోమవారం నిర్వహించిన ప్రజా పిర్యాదుల పరిష్కార వేదికకు మొత్తం 29 వినతులు అందాయి. 21 మంది ప్రత్యక్షంగా, 8 మంది ఫోన్ ద్వారా సమస్యలు తెలిపారు. వర్షపు నీరు మళ్లింపు, అనుమతిలేని నిర్మాణాలు, పింఛన్లు, రోడ్లు, కాలువలు, తాగునీటిలో మురుగు కలయిక, డ్రైనేజీ లీకేజీలు, పాఠశాల బోరు మరమ్మత్తు వంటి సమస్యలను కమిషనర్ మౌర్య సంబంధిత అధికారులకు పంపించి త్వరగా పరిష్కరించాలని ఆదేశించారు.