News November 18, 2025

ధర్వేశిపురం ఎల్లమ్మకు మంగళవారం ప్రత్యేక పూజలు

కనగల్ మండలం ధర్వేశిపురంలో వెలసిన శ్రీ ఎల్లమ్మ అమ్మవారి ఆలయంలో కార్తీక మాసం మంగళవారం సందర్భంగా ప్రత్యేక పూజలు ఘనంగా జరిగాయి. తెల్లవారుజాము నుంచే భక్తులు భారీగా తరలివచ్చి అమ్మవారిని దర్శించుకున్నారు. ప్రధాన పూజారి మల్లాచారి ఆధ్వర్యంలో పంచామృతాభిషేకాలు, కుంకుమ పూజలు, మంగళహారతులు నిర్వహించారు. భజన బృందం ఆలాపనతో ఆలయ ప్రాంగణమంతా భక్తి వాతావరణం నెలకొంది. అనంతరం భక్తులకు తీర్థప్రసాదాలు పంపిణీ చేశారు.