News April 13, 2024
ఇంటర్ ఫీజులతో పేరెంట్స్ ఉక్కిరిబిక్కిరి
TG: రాష్ట్రంలో ప్రైవేటు ఇంటర్ కాలేజీలు ఇష్టారీతిన ఫీజులు పెంచుతున్నాయి. గతేడాదితో పోల్చితే ఫీజులు రెట్టింపయ్యాయి. కార్పొరేట్ కాలేజీలు డేస్కాలర్‌కు రూ.2.25లక్షలు విధిస్తున్నాయి. గ్రామీణ ప్రాంతాల్లోనూ గతేడాది రూ.40వేలు ఉండగా.. రూ.70వేలకు చేరింది. దీంతో పిల్లలను చదివించేదెలాగని సామాన్యులు ఆవేదన చెందుతున్నారు. నిర్వహణ ఖర్చు, లెక్చరర్ల జీతాలు పెరగడంతో ఫీజులు పెంచాల్సి వస్తోందని యాజమాన్యాలు అంటున్నాయి.
Similar News
News November 16, 2024
BJP, కాంగ్రెస్‌పై ECI నజర్.. నడ్డా, ఖర్గేకు లేఖలు
ఎన్నికల నియమావళి ఉల్లంఘన ఫిర్యాదులపై ECI చర్యలు తీసుకుంది. వెంటనే వివరణ ఇవ్వాలని BJP చీఫ్ జేపీ నడ్డా, INC ప్రెసిడెంట్ మల్లికార్జున ఖర్గేకు లేఖలు రాసింది. NOV 18వ తేదీ మధ్యాహ్నం ఒంటిగంట లోపు అధికారికంగా స్పందించాలని ఆదేశించింది. లోక్‌సభ ఎన్నికల టైమ్‌లోనూ ECI సీరియసైన సంగతి తెలిసిందే. మహారాష్ట్ర, ఝార్ఖండ్ ఎన్నికల ప్రచారంలో ఈ రెండు పార్టీలు దూకుడుగా విమర్శలు చేసుకుంటున్నాయి.
News November 16, 2024
ఎన్నికల స్లోగన్.. అదే పార్టీల‌కు గ‌న్‌(1/2)
ఓట‌ర్ల‌ను ఆక‌ర్షించ‌డానికి, ప్ర‌త్య‌ర్థుల‌ను కార్నర్ చేయడానికి పార్టీలు అనుస‌రించే వ్యూహాల్లో ‘నినాదం’ కీల‌కం. MH, ఝార్ఖండ్ ఎన్నికల్లో BJP, కాంగ్రెస్ సంధించుకున్న నినాదాలపై ఇప్పుడు చర్చ నడుస్తోంది. అవి: ఏక్ హైతో సేఫ్ హై(ఒక్క‌టిగా ఉంటే సుర‌క్షితంగా ఉంటాం-మోదీ) *బ‌టేంగే తో క‌టేంగే(విడిపోతే న‌ష్ట‌పోతాం- UP CM) *భ‌య‌ప‌డొద్దు- రాహుల్ గాంధీ *భ‌య‌ప‌డితే చ‌స్తారు- INC *రోటీ-బేటీ-ఔర్ మ‌ట్టి (ఝార్ఖండ్ BJP)
News November 16, 2024
Politics: నినాదం వెనుక రాజ‌కీయం(2/2)
కాంగ్రెస్ ఉద్ధృతంగా డిమాండ్ చేస్తున్న కుల‌గ‌ణ‌నకు కౌంట‌ర్ ఇవ్వ‌డానికి PM మోదీ ఏక్ హైతో సేఫ్ హై పిలుపునిచ్చారు. మ‌త‌ప‌ర‌మైన కోణంలో UP CM యోగి బ‌టేంగే తో క‌టేంగే నినాదమిచ్చారు. BJP విద్వేషపూరిత రాజ‌కీయాల‌ను ఎదుర్కొవ‌డానికి భ‌య‌ప‌డొద్దు, భ‌య‌ప‌డితే చ‌స్తారు అంటూ కాంగ్రెస్ నిన‌దించింది. ఝార్ఖండ్‌లో చొర‌బాటుదారుల్ని ఎన్నికల అంశంగా మార్చి రోటీ-బేటీ-ఔర్ మ‌ట్టి అంటూ గిరిజ‌నుల‌పై BJP స్లోగన్ వ‌దిలింది.