News April 13, 2024
‘దంపతులు కలిసి స్నానం చేయండి’.. మేయర్ వింత సూచన
కొలంబియా దేశ రాజధాని బొగోటా సిటీ మేయర్ కార్లోస్‌ ఫెర్నాండో గాలన్‌ ప్రజలకు వింత సూచన చేశారు. ప్రస్తుతం అక్కడ తీవ్ర నీటి కొరత ఏర్పడింది. ఈ నేపథ్యంలో దంపతులు కలిసి స్నానం చేయాలని.. తద్వారా కాస్త నీరు ఆదా అవుతుందని సలహా ఇచ్చారు. అలాగే హాలిడేస్‌లో లేదా బయటకు వెళ్లని రోజుల్లో స్నానం చేయడం మానుకోవాలని కోరారు. చరిత్రలో ఎన్నడూ లేనంతగా నీటి ఎద్దడి నెలకొన్న దృష్ట్యా ఇలాంటి జాగ్రత్తలు తప్పవని పేర్కొన్నారు.
Similar News
News December 27, 2024
Stock Market: గ్రీన్‌లో ముగిశాయి
దేశీయ స్టాక్ మార్కెట్లు Friday లాభాల‌తో ముగిశాయి. Sensex 78,699 (+226) వ‌ద్ద, Nifty 87 పాయింట్లు ఎగ‌సి 23,837 వ‌ద్ద స్థిర‌ప‌డ్డాయి. ఫార్మా 1.30%, ఆటో 0.97%, హెల్త్‌కేర్ 0.80% లాభ‌ప‌డ‌డంతో సూచీలు గ్రీన్‌లో ముగిశాయి. అంత‌ర్జాతీయ సానుకూల సంకేతాల నేపథ్యంలో సెషన్ ప్రారంభంలో గంట‌పాటు ర్యాలీ జ‌రిగినా Sensexలో 79,000 వ‌ద్ద, Niftyలో 23,900 వ‌ద్ద బలమైన Resistance ఉండడంతో సూచీలు రివ‌ర్స‌ల్ తీసుకున్నాయి.
News December 27, 2024
దేశానికి అవిశ్రాంతంగా సేవలందించిన గొప్ప నేత: చంద్రబాబు
దూరదృష్టితో దేశంలో ఆర్థిక సంస్కరణలు తెచ్చిన గొప్ప ఆర్థికవేత్త మన్మోహన్ సింగ్ అని ఏపీ సీఎం చంద్రబాబు కొనియాడారు. ఢిల్లీలో ఆయన పార్థివదేహానికి నివాళి అర్పించిన అనంతరం మీడియాతో మాట్లాడారు. సింగ్ మరణం బాధాకరమని, ఆయన దేశానికి అవిశ్రాంతంగా సేవలందించారని గుర్తు చేసుకున్నారు. మరోవైపు తెలంగాణ సీఎం రేవంత్ రెడ్డి ఢిల్లీకి చేరుకున్నారు. కాసేపట్లో ఆయన మన్మోహన్ భౌతికకాయానికి నివాళి అర్పించనున్నారు.
News December 27, 2024
సచిన్ టెండూల్కర్‌కు అరుదైన అవకాశం
మాస్టర్ బ్లాస్టర్ సచిన్ టెండూల్కర్‌కు అరుదైన అవకాశం లభించింది. ప్రతిష్ఠాత్మక మెల్‌బోర్న్ క్రికెట్ క్లబ్(MCC)లో గౌరవ సభ్యునిగా సచిన్‌కు చోటు దక్కింది. తమ నిర్ణయాన్ని ఆయన స్వాగతించారని MCC ట్వీట్ చేసింది. క్రికెట్‌కు అత్యుత్తమ సేవలు అందించిన సచిన్ MCCలో భాగమైనందుకు సంతోషంగా ఉందని పేర్కొంది. టెండూల్కర్ MCGలో 5 టెస్టులు ఆడగా 58.69 స్ట్రైక్ రేట్‌తో 449 పరుగులు చేశారు.