News April 14, 2024
మహిళల కోసం ప్రత్యేక నైపుణ్య కేంద్రాలు: పవన్ కళ్యాణ్
AP: ప్రతి వ్యక్తిలో ఏ నైపుణ్యం, శక్తి ఉందో గుర్తించాల్సిన అవసరం ఉందని జనసేన అధినేత పవన్ కళ్యాణ్ చెప్పారు. ‘కులగణన మాత్రమే కాదు.. ప్రతిభా గణన కూడా జరగాలి. ప్రతిభను గణించి మహిళలకు అవకాశాలు కల్పించాలి. పశ్చిమగోదావరి నుంచి విదేశాలకు షూ లేసులు ఎగుమతి అవుతున్నాయి. ఈ స్థాయిలో ప్రతి మహిళా ఏదో ఒక నైపుణ్యం పెంచుకోవాలి. ప్రతి గ్రామంలో మహిళల కోసం ప్రత్యేక నైపుణ్య కేంద్రాలు ఏర్పాటుచేస్తాం’ అని హామీ ఇచ్చారు.
Similar News
News March 15, 2026
పర్వదినాలు.. తిరుమలలో 3 ఆస్థానాలు
AP: ఈ నెలలో పర్వదినాలను పురస్కరించుకొని తిరుమల శ్రీవారి ఆలయంలో 3 ఆస్థానాల(శాస్త్రోక్తమైన దర్బార్/సభ)ను పండితులు నిర్వహించనున్నారు. ఈ నెల 19న శ్రీపరాభవ నామ సంవత్సర ఉగాది సందర్భంగా మూల విరాట్, ఉత్సవ విగ్రహాలకు నూతన వస్త్రాలు అందిస్తారు. 7AM-9AM మధ్య పంచాంగ పఠనం చేస్తారు. 27న శ్రీరామ నవమి సందర్భంగా 9-10PM వరకు గరుడాళ్వార్ సన్నిధిలో, 28న రా.8-9 మధ్య పట్టాభిషేక ఆస్థానం నిర్వహిస్తారు.
News March 15, 2026
‘మన మిత్ర’లో ఆరోగ్య సేవలు.. వాట్సాప్లో HI అని మెసేజ్ చేస్తే
AP: ‘మన మిత్ర’ వాట్సాప్ నంబర్ 9552300009 ద్వారా ఆరోగ్య సేవలూ అందుబాటులోకి వచ్చాయి. HI అని మెసేజ్ చేస్తే GOVT ఆస్పత్రుల్లో OP అపాయింట్మెంట్, హెల్త్ కార్డు, ఆరోగ్య శాఖ ఆప్షన్లు కనిపిస్తాయి. అక్కడ అడిగిన వివరాలు సమర్పించి క్యూలో నిలబడకుండా అపాయింట్మెంట్, రక్త నిల్వలు, ఔషధాల వివరాలు, NTR వైద్య సేవా కార్డు కింద ఆస్పత్రుల్లో అందే సేవలను పొందవచ్చు. కార్డులోని వివరాలనూ అప్డేట్ చేసుకోవచ్చు.#ShareIt
News March 15, 2026
వారిద్దరినీ వదులుకొని KKR తప్పు చేసింది: కుంబ్లే
KKR 2024లో మూడోసారి IPL ట్రోఫీ గెలవడంలో శ్రేయస్ అయ్యర్, ఫిల్ సాల్ట్లది కీలక పాత్ర అని మాజీ క్రికెటర్ అనిల్ కుంబ్లే చెప్పారు. అలాంటి వాళ్లను వదులుకోవడం కోల్కతా చేసిన మిస్టేక్ అని అభిప్రాయపడ్డారు. కీలక ప్లేయర్లను తమ వద్దే ఉంచుకోవడం ఎంత ముఖ్యమన్నది జట్టు అర్థం చేసుకోవాలని సూచించారు. లేదంటే టైటిల్ పోటీలో నిలవలేదని హెచ్చరించారు. కాగా ప్రస్తుతం శ్రేయస్ PBKS, సాల్ట్ RCBలో చేరిన విషయం తెలిసిందే.