News November 19, 2025
HYD: మరో 50 ప్రాంతాల్లో ఈవీ ఛార్జింగ్ స్టేషన్లు
నగరంలో ఎలక్ట్రికల్ వాహనాల వినియోగం క్రమంగా పెరుగుతోంది. ఈ నేపథ్యంలో GHMC ఇప్పటికే ఏర్పాటు చేసిన 150 ఈవీ ఛార్జింగ్ స్టేషన్లను సమర్థంగా పనిచేసేలా చర్యలు తీసుకోనున్నారు. కొత్తగా మరో 50 ప్రాంతాల్లో ఈ స్టేషన్లను ఏర్పాటు చేసేందుకు అధికారులు చర్యలు చేపట్టనున్నారు. ఈవీ స్టేషన్ల ఏర్పాటుకు నోడల్ ఏజెన్సీ అయిన టీజీరెడ్కో జీహెచ్ఎంసీతో కలిసి పని చేసేందుకు సిద్ధమైంది.
Similar News
News March 28, 2026
ఏడాది పొడవునా కాపునిచ్చే మామిడి!
సాధారణంగా మామిడి వేసవిలోనే దొరుకుతుంది. కానీ రాజస్థాన్కు చెందిన రైతు కిషన్ సుమన్ పదేళ్లు శ్రమించి ‘సదాబహార్’ అనే మామిడి రకాన్ని అభివృద్ధి చేశారు. ఇది ఏడాదికి మూడుసార్లు కాపునిస్తూ తియ్యగా, తక్కువ పీచుతో ఉంటుంది. రాష్ట్రపతి భవన్ తోటలోనూ ఇది చోటు సంపాదించుకుంది. మామిడి ప్రియులకు ఏడాది పొడవునా పండ్లను అందించే దిశగా ఇది ఒక విప్లవాత్మక మార్పు. ఈయన 7 రంగుల గులాబీ మొక్కనూ అభివృద్ధి చేశారు.
News March 28, 2026
SRHకు యంగెస్ట్ ఇండియన్ కెప్టెన్గా ఇషాన్ కిషన్!
ఇవాళ RCBతో జరిగే మ్యాచ్లో కెప్టెన్సీ చేయడం ద్వారా SRH ప్లేయర్ ఇషాన్ కిషన్ అరుదైన ఘనత సాధించనున్నారు. సన్ రైజర్స్కు నాయకత్వం వహించనున్న యంగెస్ట్(27Y 253D) ఇండియన్ కెప్టెన్గా నిలవనున్నారు. గతంలో శిఖర్ ధవన్, మనీశ్ పాండే, భువనేశ్వర్ కాస్త లేటు వయసులో సారథ్యం చేపట్టారు. ఓవరాల్గా ఈ జాబితాలో విలియమ్సన్(27Y 244D) టాప్లో ఉన్నారు. కేన్ మామ 2018లో తొలిసారి SRHను లీడ్ చేసిన విషయం తెలిసిందే.
News March 28, 2026
(UPDATE) విశాఖ: ఇండిగో విమానానికి తప్పిన పెనుప్రమాదం
విశాఖ నుంచి వెళ్తున్న <<19498361>>ఇండిగో<<>> 6E-579 విమానం ఇంజిన్ లోపంతో ఢిల్లీ విమానాశ్రయంలో అత్యవసర ల్యాండింగ్ చేసిన విషయం తెలిసిందే. ఈ బోయింగ్ 737 విమానంలో 161 మంది ప్రయాణికులు ఉండగా, వారందరినీ సురక్షితంగా బయటకు తరలించారు. ఉదయం 10:54 గంటలకు సమాచారం అందుకున్న అగ్నిమాపక సిబ్బంది వెంటనే స్పందించి చర్యలు చేపట్టారు. సాంకేతిక లోపం గుర్తించిన పైలట్లు ప్రాధాన్యత ల్యాండింగ్ కోరగా విమానం సురక్షితంగా దిగింది.