News November 20, 2025
తుపాన్ నష్టం రూ. 88 కోట్లు.. సాయం కోసం రైతన్నల ఎదురుచూపులు.!
ఉమ్మడి కృష్ణా జిల్లా వ్యాప్తంగా మొంథా తుపాన్ వల్ల అన్నదాతలు తీవ్రంగా నష్టపోయారు. కృష్ణా (D)లో వరి పైరు 54వేలు, గ్రౌండ్‌నట్, ఇతర పంటలు కలిపి 2వేల ఎకరాల్లో దెబ్బతిన్నాయి. మొత్తం రూ.75.71కోట్లు నష్టం కాగా, NTR (D)లో వరి 5వేలు, పత్తి 4వేల ఎకరాల్లో పంట దెబ్బతినగా.. రూ.12.19కోట్ల నష్టం వాటిల్లినట్లు అధికారులు అంచనా వేశారు. ప్రభుత్వానికి ప్రతిపాదనలు పంపగా.. నిధుల విడుదల కోసం రైతులు ఎదురుచూస్తున్నారు.
Similar News
News November 20, 2025
ములుగు: అంబేడ్కరా.. చలి నుంచి రక్షించు!
ములుగు జిల్లాలో ఉష్ణోగ్రతలు రోజురోజుకు పడిపోతున్నాయి. అటవీ ప్రాంతంలో చలి తీవ్రత పెరగడంతో మనుషులతో పాటు జంతువులు విలవిల్లాడుతున్నాయి. ఈ క్రమంలో ఏటూరునాగారంలోని అంబేడ్కర్ విగ్రహం ముందు ఓ కోతుల గుంపు కూర్చొని చలికి వణుకుతోంది. ‘అంబేడ్కరా.. చలి నుంచి మమ్మల్ని కాపాడు’ అని విగ్రహం వద్ద కూర్చొని వేడుకున్నట్లు ఉన్న ఈ దృశ్యాన్ని పలువురు తమ సెల్ ఫోన్లలో బంధించారు.
News November 20, 2025
నాగర్‌కర్నూల్‌లో పెరిగిన చలి
నాగర్‌కర్నూల్‌ జిల్లాలో రోజురోజుకు చలి తీవ్రత పెరుగుతోంది. గడిచిన 24 గంటల్లో వెల్దండ మండలం బొల్లంపల్లిలో 12.0°C కనిష్ఠ ఉష్ణోగ్రత నమోదైంది. అమ్రాబాద్‌లో 12.3°C, బిజినేపల్లిలో 12.4°C చొప్పున కనిష్ఠ ఉష్ణోగ్రతలు రికార్డయ్యాయి. ఉదయం వేళల్లో అధిక చలి కారణంగా జిల్లా ప్రజలు తీవ్ర ఇబ్బందులు ఎదుర్కొంటున్నారు.
News November 20, 2025
కరీంనగర్: సన్న వడ్లకు బోనస్ ఇస్తారా? ఇవ్వరా?
సన్న వడ్లకు క్వింటాకు రూ.500 బోనస్ ఇస్తామని ప్రకటించిన ప్రభుత్వం రైతుల ఖాతాల్లో జమ చేయడంలో మాత్రం జాప్యం చేస్తోంది.ఉమ్మడి జిల్లాలో గత యాసంగిలో 20,529 మంది రైతులు పండించిన 1,24,884 క్వింటాళ్ల సన్నాలకు రూ.60.24 కోట్లు ఇప్పటికీ చెల్లించలేదు. కాగా ఇప్పటికే ఖరీఫ్ కొనుగోళ్లు 60% పూర్తయ్యాయి. వీటికి ఏ ప్రాతిపదికన చెల్లిస్తారో స్పష్టత లేదు. దీంతో పంచాయతీ ఎన్నికల్లో ప్రభుత్వంపై బోనస్ ప్రభావం పడే ఛాన్సుంది.