News November 20, 2025

50 అదనపు సీట్లు కోల్పోయిన పాడేరు మెడికల్ కాలేజీ!

పాడేరు ప్రభుత్వ వైద్య కళాశాల ఈ ఏడాది అదనంగా పొందాల్సిన 50 MBBS సీట్లను కోల్పోయింది. 2025–26 విద్యా సంవత్సరానికి 50 సీట్లు మంజూరు చేయాలని కళాశాల ప్రిన్సిపల్ NMCకి దరఖాస్తు చేశారు. అయితే పరిశీలనలో భాగంగా ఎన్‌ఎంసీ 2 ముఖ్య అంశాలపై అదనపు వివరణ కోరగా, డీఎంఈ కార్యాలయం సమయానికి స్పందించకపోవడం వల్ల ఫైల్ ముందుకు సాగకపోయినట్లు సమాచారం. దీనిపై మంత్రి సత్యకుమార్ అధికారులపై ఆగ్రహం వ్యక్తం చేసినట్లు తెలిసింది.